Tehronədə Kərimə Ğıroni beynəl xalğiyə mısobiğəon bino bıə.

Kərim Ğıroni 34 minə dıvrə beynəl xalğiyə mısobiğəon zinə de dınyo 83 qılə kişvəronku 276 qılə ğarion huzuri Tehroni İmom Xomeyni(r) nomo bıə Mosəlla vırədə bino bıə.

Bə İrna raporti əsos çın dıvrə mısobiğəon mərkəziyə ğərorqo elanış kardə: i minə kərə ımsornə sori mısobiğəonədə həmzəman yolon, nevinde kəson, jenon, universiti tələbəon və dini tələbəon hissəonədə bıə riğabəton həm bərpo bəbe.

Bə həminə raporti əsos ım dıvrə 5 qılə baxşədə bıə beynəl xalğiyə mısobiğəon de 40 qılə hakim və kərim Ğıroni mıtəxəssison həm İron və həm dınyo islamiyə kişvəronku ğizavət bıdə.

İronədə Kərim Ğıroni 34 minə dıvrə beynəl xalğiyə mısobiğəon şoar i qılə kitob i qılə ommət vıjinə bəy ki əv həm çı Kərim Ğıroni mətniku iborəte.

Mısobiğəon oxonə ruji mərasimon aprili 26 ədə bərpo bəbe.

Həmzəman Kərim Ğıroni mıhəğğiğon nomo bıə beynəl xalğiyə 10 minə iclos həm ğərare omə haftədə de 20 qılə kişvəronku təhğiğ əkəyon huzuri Ğomədə bərpo bıbu.

Im iclosi çərçivədə detos bə ısət 421 qılə Ğıroniyə məğalə barədə hakimon nəzər elan bıə.