Kuba:İmmiqrasiya bo Amerkəro bə biznesi təbdil bıə
Kuba xarici koon vəzir bə ABŞ 5 milyon dollarinə zərə karti etıroz kardə holədə,“Trampi” devlətış mıttəhəmış karde ki,de kə həvatey və ğeyri-ğanuni mıhociron deportasiya kardey,çe immiqrasiyaku bənə biznesi istifodə kardedə.
Pars Tudey bə İRNA istinodən doə məlumoti əsos,çe Kuba xarici koon vəzir Bruno Rodriqes deştə X sosyal şəbəkədə bıə istiofdəçi hisobi vositə qıləy mesaj dərc kardə holədə elonış kardə:Amerkədə miqrant və mıhociron problem bo Amerkə hukumətiro bə qıləy nuyə ko təbdil bıə.
Rodriquesi təkidış kardə:Əvon(AİŞ hukumət) ğeyri-ğanuni mıhociron de insoni əsosə həxon darıştey bəhonə deportasiya kardedən,əmmo bın kişfərədə dayimi jimoni həxı bə penc milyon dollari həvateydən.
Fevrali oxoyədə AİŞ prezdent Donald Tramp çe penc milyon dollari mığobilədə AİŞ-də dayimi jimoni imkoni doə “Telıə Kart”-i viza doey niyyətədə beyış bəyon kardə.
