Beynəlxalğə Cinoyət Məhkəmə bə Macarıstoni zidd məhkəmə koş oj kardə

Apr 17, 2025 04:13 Asia/Tehran

Beynəlxalğə Cinoyət Məhkəmə çoşanbə ruji de seonist rejimi sər vəzir Benyamin Netanyahu həbsi anqıl bə məhkəmə ğərori əməl nıkardey xoto bə Macarıstoni ələyh məhkəmə prosesi bino kardeyış elon kardə.

Pars-Tudey bə İroni Tələbəon Xəbə Aqentəti (İSNA) istinodən doə məlumoti əsos,Beynəlxalğə Cinoyət Məhkəmə çın məhkəmə bənə hərbi cinoyətkori zınə Netanyahu həbs kardey tələbi bə vırə nırosney xoto bə Macarıstoni ələyh məhkəmə prosesi bino kardeyış elon kardə və Macarıstoniku de ın ko əloğədor de tobə cari milodi 2025-ə sori mayə manqi 23 cəvob təğdım kardeyış piyə.Macarıstoni iminə vəziri ofisi çe seonist rejimi sər vəzir Benyamin Netanyahu bəçəy kişfəri bıə rəsmi səfə eyni vaxtədə çəy kişfəri çe Beynəlxalğə Cinoyət Məhkəməku xaric beyış elon kardəbe.