İron,Çin iyən Rusiyə de Qrossi bıə çotərəfinə didoədə İroni nuvə proqram dığğəti mərkəzədə bıə

İron,Çin iyən Rusiyə de Qrossi bıə çotərəfinə didoədə İroni nuvə proqram dığğəti mərkəzədə bıə

İron,Çin iyən Rusiyə de Qrossi bıə çotərəfinə didoədə İroni nuvə proqram dığğəti mərkəzədə bıə

İron,Çin iyən Rusiyə numayəndəon de Atom Enerji sahədə Beynəlxalğə Aqentəti sər direktori bıə çotərəfinə vindemonədə çe İroni nuvə proqrami vəzyətışon muzakirə kardə.

Pars Tudey bə İRNA istinodən doə məlumoti əsos,çe Rusiyə Vyanadə vağe bıə beynəlxalğə təşkilotonədə bıə səfiri elonış kardə ki,4 ordibeheşt Həşi 1404-ə sori cımə şəvi İron,Çin iyən Rusiyə numayəndəon de Atom Enerji sahədə Beynəlxalğə Aqentəti sər direktori bıə çotərəfinə didoədə çe İroni atomi bərnomə vəzyətışon muzakirə kardə.

Bə İRNA doə məlumoti əsos,Mixayil Ulyanov ıştə Teleqram kanalədə bıə mesajədə jıqoş nıvıştə:bın  vindemonədə seqlə kişfər de Beynəlxalğə Atom Enerji Aqentəti sər direktor bə Rafael Qrossi de İroni nuvə fayli mıxtəlifə aspekton anqıl mıştərəkə notaşon təğdım kardə.

Qrossi dəvardə haftə bə Tehron səfəş kardəbe və de İroni xarici koon vəzir Seyd Əbbos Ərağçi və de İroni Atom Enerji Təşkiloti rəhbər Məhəmməd İslomi didoş kardəbe.bın didonədə dı tərəf İron iyən Beynəlxalğə Atom Enerji Aqentəti miyono texniki həmkoəti prosesışon muzakirə kardə.