Danimarka:AİŞ bəpe bəştə mıttəfiğon ələyh casusəti nıko
Danimarka:AİŞ bəpe bəştə mıttəfiğon ələyh casusəti nıko
Danimarka:AİŞ bəpe bəştə mıttəfiğon ələyh casusəti nıko
Danimarka sərvəzir,bə Amerkə jurnali de Vaşinqtoni bə Qrenlandiya zidd casusəti cəhdon zumand kardey anqıl xəbə cəvobən, bə Vaşinqtoni bəştə mıttəfiğon ələyh casusəti nıkardey təkidış kardə.
Pars Tudey bə ISNA istinodən doə məlumoti əsos,Danimarka sərvəzir Mette Frederiksen bə Amerkə “Wall Street Journal” qəzeti çe AİŞ-on məlumot cəm kardey iyən de bə Qrenlandiya zidd casusəti cəhdon zumand kardey anqıl oxonə hisoboti bə Associated Press aqentəti musahibədə cəvobış doə və bə Vaşinqtoniş votə: “Şımə bəştə mıttəfiğon ələyh casusəti kardey əzıniyon”.
Frederiksi zinə(cımə ruji)dərc bıə şərhon de Kopenhageni hakimiyyəti jiyədə nimə muxtar məntəğə hisob bıə Qrenlandiya ləpəki əloğədor çe Danimarka de AİŞ miyono mıbohisə ziod bey nışon doydə.
