Trampi bo israyili havzə ço pekardey
Trampi bo israyili havzə ço pekardey;Aya Ğəzzə canqi sənibəton bino bəbe?
AİŞ prezdenti Donald Tramp bo israyili Ğəzzə canqi bərpo kardero havzə çoş pekardə.
Bə Pars Tudey doə məlumoti əsos,Ğəzzə sulhi mığovilə nomo sazişi imzo kardey və israyilli məhbuson ozod kardey 3 ruj bədiqə zinə çe AİŞ prezdent Donald Tramp de HƏMAS-i bə tələbon əməl nıkardey bəhonə bo seonist rejimi bə Ğəzzə ələyh muharibə bərpo kardero havzə çoş pekardə.Trampi çoşanbə ruji votəşe:Əqər HƏMAS bə otəşvəsi roziyəti əməl nıkardo, israyili ğıvvon Ğəzzədə canqi bərpo kardey bəzıne.
HƏMAS-i bə israyili bob Ğəzzə tanqədə otəşvəsi roziyəti əməl nıkardey təkror kardə AİŞ prezdenti ın Hərəkot və Ğəzzə xalğış təhdid kardə:"israyil çoko ki,az bıvotom,bə kuçəon obəqarde.Əqər israyil bə dılə dəşo əvoni vey bevəcə formədə hırd bıko,ımi bəkarde".
