Əymən Əssəfədi:Ğərbi sahilədə bıə təcavuz bə sulhi royədə həlli maneəy

İordaniya xarici koon vəzir:İordan ru ğərbi sahilədə bıə təcavuz bə sulhi royədə həlli maneəy

İordaniya xarici koon vəzir seşambə şəvi zəmonədə Ğəzzə və Ğərbi sahilədə bə Fələstini xalği əzobon və problemon işorə kardə holədə bəyonış kardə ki,seonist rejimi Ğərbi sahilədə bıə təcavuz bə sulhi royədə həlli maneyəy.israyili rejimi tərəfiku otəşvəsi 500 dəfəsə ziyodə darıştey bəyon kardə Əymən Əssəfədi votəşe:“Əmə deştə şərikon bo Ğəzzə canqi bə oxo rosney və məntəğədə sabitəti icod kardeyro səy kardedəmon”.

İordaniya xarici koon vəziri əlovəş kardə:“Çəmə prioritet Ğəzzə sənibəton oney və bə ın tanqə normalə həyoti oqordıneye və bəpe Ğəzzə otəşvəs mehkəm kardey bıbu və tosə ısət bə Ğəzzə imdod kifoyət kardedəni”.

Əssəfədi israyili rejimi Ğəzzəku bə dumo pekırey və Zardə Xətti dəvardəco mərhələ bey və Ğəzzədə bıə problemon dəvom nıkardeyku xotırcəməti təkid kardəşe.İordaniya xarici koon vəziri votəşe:“Məskun bıə yəhudiyon rəftoron və fələstınıjon harujnə ğətlı-am Ğərbi sahilış ısət bə tıpemoni həddiş rosnə”.