İmomzodəon iyən çəvon mədəni və iştimayi təsiron

İmomzodəon iyən çəvon mədəni və iştimayi təsiron

Ziyorət, yolə şəxsiyyəton fəziləton ğədri zıney iyən çəvon erjon bəyji kardeye.bın hovujə dınyoədə bıə millət de mıxtəlifə mədəniyyəton de curbəcurə formə ıştə yolon ğədri zıneydən. umumən inson fitriyə formədə eşğ iyən məhəbbətış piyedə.bəçəyro bə qıləy məxsusə fərdon eşğış bedə və bəvon məhəbbət nışon doydə.qahi vaxti ın eşğ iyən məhəbbət çə fərdon nıbə vaxti həm çı miyoniku şedəni və de mıxtəlifə formə bənə çəvon noə əsəron,nıvıştəyon iyən çəvon jimon kardə məkanon oqətey,cilvə pəydu kardedə.

Ziyorət,çı qıləy insoni bə coqlə insoni eşğ iyən məhəbbəti cilvəy.jıqo bəvon ehtırom noey iyən məhəbbət nışon doey,çı kəmoli dumo bıə insoni fıtrətədə rəğ-rişəş heste. Məsumin(ə), imomzodəon iyən ilahi ovliyaon ziyorət,çəvon həxədə de çəvon mənəvi kəmolon feyziku bəhrə bardə qıləy zayiri nışon doə məxsusə məhəbbəte və ım bə ziyorətəkə şəxsi ruf iyən coni qıləy çokə təsir noydə.ziyorət,bə dini dıjdə şəxsiyyəton nışon doə bıə qıləy məxsusə hurmət iyən məhəbbəte.zira,inson de əzob-əziyyəti bə jıqo məkanon tərəf hərəkət kardey,çəy bə həmonə məkanon soybon xolisonə formədə bıə eşğ iyən məhəbbəti nışon doydə,ım eşğ çı qıləy zayiri qırd vucudış dəqətə və əy bə qıləy komilə insoni ziyorəti tərəf muştağ kardedə.bın zəminədə muhimmə nuktə ıme ki,bə ilahi ovliyaon iyən yolon hətto çəvon mardey bəpeştə ziyorət şıey,fəğət bə Əhli-Beyt(ə)-i məktəb iyən məzhəbi ayid ni ki,kali fərdon əy jıqo şırk iyən bidət hisob kardedən.Xıdo-Rəsul(s)-i zəmonədə həm ın ko rayic bıə.Xıdo-Rəsul(s) bəştə inə Amənə bint Vəhəb iyən ıştə pı Əbdullah ğəbi ziyorət şedəbe,əyo dıvo kardedəbe və bəmedəbe.əv əyo nımoj votedəbe iyən əvrə təmir kardedəbe.ə həzrət ha sor sıdtədə bə Uhudi canqi şəhidon ğəbi ziyorət şedəbe,hejo Bəği ğəbıstonədə hozzı bedəbe və boəvon dıvo kardedəbe.çə həzrətiku rəvoyət bıə ki,hamyedə:”hakəs çımi bəfoti bəpeştə mıni ziyorətko,bənə ə kəsiye ki,çımi həyoti zəmonədə mınış ziyorət kardə və çəy şəfoət bəmı lozıme”.

İroni məmləkət qıləy islomi kanə tarıxış heste və de dini iyən iştimayi dışjdə şəxsiyyəton pure. çəvonku kali qıləyni bə islomi əzizə peyğombər(s)-i nəsəbışon rəsedə ki,de İmomzodə nomi məşhurin.İmomzidəku murad iyən məğsəd çı məsumə imomon fərzənd ya çəvon fərzəndi avlodonin ki,ımon həm bilofosilə çı peyğombəre-əkrəmi avlodonin,əmmo urfən bəçəvon dəfn bıə məhəll və vırə,imomzodəon votedən.Peyğombəre-Əkrəm(s) iyən Əimməye-Tahirin(ə)-iku rəsə ziyodə rəvoyətonədə bə peyğombəre-əkrəmi(s)-i avlodon ehtırom iyən ikromkənən.bə Peyğombəre-Əkrəmi(s) fərzəndon iyən bə ə həzrəti zurriyyə ehtırom noey,həm bəçəvon bəyji bıə zəmoni iyən həm bə yolə şəxsiyyəton mardey bəpeştə həm şomil bedə.bə çı dınyoku şıə yolə şəxson ehtırom noey roonku qıləyni,bəçəvon dəfn bıə vırə iyən məzari ehtırom noeye.

Həlbəttə,qırd ım sıfarışon bə ə həzrəti həyğiyə fərzəndon yəni  kəsonki,vositə nıbə holədə ya de qıləy vositə əvon çı peyğombəre-Əkrəmi sulb iyən nəslikon və ıştə jimoni dırozi çə həzrəti şıə ro iyən sirədə hərəkətışon kardə və çə royku co bıənin.çoko ki,rəfvoyətədə omə ki,İmom Rıza(ə) hamyedə:”bəçəmə fərzəndon nəzə kardey ibodəte.qıləy şəxsi çəyku dəparseşe:aya bəşmə imomə fəzəndon nəzə kardey ibodəte? həzrəti hamyeşe:bəlkəm,bə peyğombəri(s) qırd fərzəndon nəzə kardey ibodəte.madam ki,əvon çə həzrəti şıə ro iyən sınnətiku co bıənin və bə qınon aludə bıənin