Osmoniyə surəon-116

Osmoniyə surəon-116

Çən, de bə həxı meyl bıə bə ım dini tərəf dim bıqət. (ım)ilahi fitrəte ki, Xıdovəndi məxloğış bəçəy əsos ofəyəşe.  ilahi xılğəti əvəz kardey nibəbe. sabitə din ıme, əmmo məxloği veyni zıneydəni.30

Xdıovənbdi insononış jıqo ofəyəşe ki,əv bə həxı tərəf meylış heste və çı botıliku bezo və bə diyəroye.bə kali şəxson təsəvvıri əks ki,insoni bənə qıləy xali iyən təyliyə zərfi zıneydən,Xıdovənde-Aləm bo həx iyən həxı nəve və bəy meyl pəydu kardey,çı insoni ıştən vucudədə noəşe.liza,insoni bə hestemoni aləmi ğədəm noə sıftənə rujiku ,ilahi nur çəy daxilədə şoləvəre və zik doydə.ımruj çəmə dınyoədə mışohidə kardə çiyon nışon doydə ki,deməkə ki, kali fəğət ıştə fikədə bıə hukuməton bo məzhəb iyən məzhəbi simvolon məhf kardey xoto cəhd kardedən, əmmo əvon ijən kardeyışon zınəni məzhəbi çı bəşəri camiyə nığılə vıronku xarickon.

Itərəfiku həm insoni saxt iyən şiddətinə rujonədə boştə işkil iyən problemon həll kardero, bə qıləy təbyəti fovğədə bıə ğıvvə dim qətey,ıştən bımi şoydəti kardedə ki,insoni vucudədə bıə fitri cozibə iyən ilhom,əy bə qıləy zumand iyən barzə  ğıvvə tərəf sovğ doey dəlolət kardedə.

 Bə milləti əncom doə koon xoto fəsod hışki iyən dıyoədə oşko be. ta(Xıdovənd) çəvon kali əməlon cəzo bəvon bıçaştovno. ğasbu(əvon bə həxı tərəf) oqardon.41

Beşək,har qıləy cinoyət bə qıləy fərd iyən camiyə təsir noydə və inev iştimayi təşkilotədə qıləy fəsod bə əməl vardedə.çoko ki,nosolim iyən zəhraludə xorəkon bə insoni bədəmi bə xoş nıomə təsiron noydə, qıno iyən xilofə koon həm i seri təbiiyi reaksiyaonış heste.məsələn,du vote bə insoni etımod kardey çı dastiku bardedə.həmçinin,bə əmonəti xəyonət kardey həm be etımodəti bə əməl vardedə ki,ım həm bə iştimayi rabitəon sıstəti boyis bedə.bə beçizə şəxson həx-huğuğon rioyət kardey,kin-kidurət bə əməl vardedə və həm oxoyədə bə qıləy cəmyəti zəyifəti səbəb bedə.

Mılxəs,çı har qıləy nodırıstə ko,qıləy əksul-əməl və reksiyaş hest.beşək,insoni əməl bə təbyət iyən ətrof muhiti təsir noydə.insoni  nodırstə koon,bə kali bə xoş nıomə təbiyi iyən ekoloqiyə xərob kardə təzohuron bə əməl omey boyis bedə.

Iştimayi rabitəon nəzəku həm,insoni əməlon bə  çandə qılə reaksiyaon səbəb bedə.min cumlə rəvoyətonədə bə ın nuktə işorə bıə ki,qınoon veyni, yavə silsiləvari təsiron bə əməl vardedə. məsələn, rəvoyətədə omə ki,sileyi -rəmi bırniye,bə umri kırt bıey,həromə moli hardey bə ğəlbi toykiyəti və zino pevolo bıey həm bə insonn məf bıey iyən ruzi kam bıey boyis bəbe.

De ın tərtibi ayədə işorə bıə fəsod,bə iştimayi fəsodon,bə bəloon iyən neməton çı dastiku şıey səbəb bəbe.