Ğərbədə insonə həxon
Ğərbədə insonə həxon
Dəvardə isori mıddətədə İMT nəzdədə Mərkəzi Afrikə Respublikədə bıə kavuə kaskə ğıvvon cinsi skandaliku hesobat doey bıə.coqlə vırədə həmçinin 2013 və2014-ə soronədə çı Fransə hərbi ğıvvon bın kişvərədə bıə ğeyri-əxloği rısvoyçəti həxədə xəbon bə quş rəseydə və çın dosye qırd ğıboniyon 9 sinniku de tobə sensl sornə hırdənon bıən.əmmo çın kavuə kıloonku qıləyni bə hırdənon cinsi təcavuzi oxonə etırofon xoto,bə dınyo iştimaiyyəti ğəzəbi boyis be.
“Ğasbu 20 nəfər ğasbu həm 25 xonəxo,aşmardəm ni.“ım çı Didiye Burge çəyku 2004 sori de İMT koəvoni nomi bə Konqo Demokratik Respublikə ezom kardeyədə bə çandə qılə hırdəni təcavuz kardə?-sıvoli cəvobe “.
“Sandi-Taymz”jurnal de pentonə məlumati vəsə bə de İMT nəzədə bıə sərbozon tərəfiku bə Afrikədə bıə jen iyən hırdənon təcavuzi işorəş kardə və nıvıştəşe:”çoko ki,konqo polis Burqeş qəte və fransəvıjə rəsmi şəxson əvışon 2008-ə sori boəy 9 sorışon bırniye və əvışon dənoe bəz həbs xonə.İMT həm sıxanış doe ki,bə ğıboni bı kəson komək bəkarde.əmmo,ın və`də hiçvaxti bə həyğət nırəse”.
Burqe çı Konqo Qoma şəhrədə beyədə de İMT sulh mərominə ğıvvon məsul şəxs unvani fəoliyyət nışon doydəbe və bo ın koy xoto hamanq bəy 7000 dollar maaş həm seydəbe.harçənd əv votedə çəy de hırdənon cinsi rabitə deçəvon ıştən xoşi bıə,əmmo əv votedə ki,ğasbu ım hırdənon bəy ne voteyku tarsışon bıə-xatırcəm nim,fik kardedəm ki,hejo jıqo bıə.əmmo ijən peştıpur nim.ğasbu həm hejo jıqo bıə.
İMT sulhi nığo doə ğıvvon ya həmonə kavuə kaskəon qıləy vahidə hərbi ğıvvonku təşkil bıən ki, çı dıqlə canq kardə ğıvvon,ısət çı qıləy kişvəri daxilədə bıbu ya çı dıqlə kişvəri miyono-ğərol qəteydən ta həni ım canq dəvom nıdo iyən de sulh,mızokirə iyən de diplomatikə roon bə oxo bırəso.ım ğıvvon de dıqlə canq kardə tərəfon tələbi çı İMT tərəfiku vığandey bedən.bo kavuə kaskəon vığandeyro ğərol,çı İMT Əmniyyət Şura tərəfiku bekardey bedə ki,ım həm de İMT yoli vositə təyin bedə.
İMT sulh mərominə ğıvvon xısusiyyət çəy beynəlxalq bıeye və ım həm bın mənoədəy ki,çın ğıvvon çı mıxtəlifə kişvəron hərbi ğıvvonku təşkil pəydu kardedən.əmmo,deməkə ki,əvon çandə qılə milliyətiku təşkilışon pəydu kardə,qıləy vahidə foydəninə ğıvvə formədə əməl kardedən.
İMT sulhi nığo doə ğıvvon bəbe bın konfliktədə ıştə neytral və betərəf beıy oqəton və həyğətədə çəvon bə mınoğişə məntğəon ezom kardey hədəf,həmonə canqi zonədə sulhi bərpo kardeye. ehanə əvon bəştə neytraləti rioyət nkon,canqi ijən sənibəton bino bıey koysə əlovə,İMT hədəfon həm bə sıvoli ji dəbəşe.
Bə İMT sulh mərominə ğıvvon sulhprəvərə mahiyyəti nəzə kardeyədə,sulhi nığo doə ğıvvon sırfən bo zu tətbiği vəy qəteyro oko doə bıə oxonə varyant və çorə roye.sulh mərominə ğıvvon əsliyə siloh,sırfən çəvon məntəğədə bıə iştiroke və çəvon səmərəninə təsir çəvon silohi ğudrətiku bəşıkrəy.həyğətədə,çın sulh mərominə ğıvvon ixtiyorədə bıə silohon,bo ıştəni mıdofiyə məğsədi oko doə bıə silohon səpkədəy.çı zu tətbiği mığobilədə mığoviməti formədə ıştəni mıdofiyə kardey ğanun,çı Əmniyyət Şura tərəfiku ezomiyyəti hukmi mənoədəy.
