"Yəhudi devləti” ğanun
"Yəhudi devləti” ğanun
İsrayil rejimi Kenisset 2018 iyuli 19-ədə “Yəhudi devləti” tojə ğanunış bekarde.Kenisseti 62 qılə nımoyəndə bə ın irğçiyə yəhudi devləti bekardə ğanuni mısbətə rayışon doə və 55 qılə nımoyəndə mənfiyə sədoşon doə ki,ım həm nışoon doydə ki,çandə sa nəfər de Kenisseti ın bekardə ğanuni mıxolif və çımi əksin.elon bıə ki,ın ğanun sehyonizmi tarıxədə çı Bazeli konfransi dəvordıney zəmoniku ki,çı seoniston iminə konfrans be və İsveçrə bazel şəhrədə de seoniston vositə dəvorıney bıəbe,tarıxədə bənə ımi həni co ğanuni dıjdə ğanun bıəni.
Yəhudi devləti ğanun İsrayil ğəsbkorə rejimi bə Fələstını milləti ələyh irğçiyəti iyən cinoyəton iyən çəvon əraziyon dızdiye qıləy legiməti baxş kardedə.ın ğanun çı əsri mığovilə plani çərçivədə ğərolış qətə və ehanə çı Amerkə devləti havzə çoş bıə nıəbe ki,Ğudsış de israyli paytəxti unvani bə rəsmiyyətış zıne,ın ğanun həm bekardey nıəbi.2018-ə sori mayə manqi 14-ə bədbəxtə ruji Amerkə səfərotxonə bə işğal bıə Ğudsi şəhr ovoştıney be və çı Fələstıni tarıxədə qıləy co bədbəxtə ruj ğeyd be.ımruj həm de çoko bəvoteyn yəhudi devləti ğanuni bekardey,çı amerkə devləti sayədə israyil ğəsbkorə rejimi vəhşiyə cinoyəton bəştə pik həddi rəsə və qıləy co siyuə rujış bə nımoyişış noe.bə Amerkə hakim bıə heyəton çı isryil rejimi nufuz anədə təsirine ki, Benyamin Netanyahu de Sipiyə Kə koordinasiya nıkardə holədə bə Konqres şedə və bə Amerkə İbıə Ştaton xarici siyosəti səmt nışon doydə.bın zəminədə Amerkəvıjə məşhurə nəzəriyyəçi,tarıxəvon iyən zıvonşınos Novam Çamski voteydə:”israyli bə Amerkə mıdoxilə kardey bə həddədəy ki,Benyamin netanyahu israyli iminə vəzir hətto bə Amerkə devləti xəbə nıdoe bə Konqres şedə və ıştə sıxanonədə Vaşinqtoni siysoəton zəyif kardedə.
Im təsir noey ımruj bəsə co devranonsə həm vey ziyod həm bıə və Donald Tramp Amerkə ısətnə prezdent İsrayli işğaləkə royış bo Fələstıni tarıxi hədəf və şəxsiyyəti çəvon inə sərzəminədə məhf kardey xoto həmoş kardə.amerkə səfərotxonə bə Ğudsi ovoştıney mərosimədə çı Donald Trampi zımo iştirok ımi nışon doydə ki,Sipiyə Kəədə seonist rjimi vey şiddəninə formədə himoyə kardə və hamiyonış heste ki,bə ın hamiyon listi çı Amerkə şğal bıə Fələstınədə bıə səfiri həm əlovə kardey bəbe.Trampi devronədə çı Amerkə de israyil rejimi bə iyande təsir noey,bəştə pik həddi rəsə və ın həmkorəti iyən himoyə yavə əsri mığovilə planədə məşhud iyən bəçəş çiyedə.
Irğçiyə yəhudi devləti ğanunədə zikr bıə maddəon,de əsri mığovilə plani i omeydə və çı seoniston Fələstınıjon tarıxi sərzəminədə bıə bəpe bıey nışon doydə.siyosi məsələon ekspert Əbdulvahab Bədrxan Ğətəri “Ələrəb” portalədə nıvışteydə:”yəhudi devləti ğanuni bəndonədə nışonə və dəlil mevcude ki,ın plani kəşəkəson nəinki,fəğət ın ğanuni çı yəhudiyon tarıxi oruzon real kardey fikədən,bəlkəm ın ğanun məxsusən bə Fələstınıjon qırd həxon rioyət nıkardeye.ıştə tale,sərzəmini,kişvəri,Ğudsi.mığəddəsə vıron iyən hətto “oqardemoni həx” həll kardey ki,qırd ımon boyis bıə ki,çı yəhudiyon məmləkəti ğanun sırfən bə yəhudiyon məxsus bıbu”.
Əsri mığovilə plan həm təğribən bə ın maddəon nəzəş heste və bo fələstınıjon çəvon tarıxi sərzəminədə hiç qıləy həx ğayil ni və hətto”avəron oqardemoni”prinsipi həm ğbul kardedəni. Amerkəvıjon tərəfiku çəy plan kəşə bıə bə “əsri mığovilə plani”əsos,Ğuds bə seonist rejimi doey bedə və Fələstınıjə avərəon oqardemoni həxışon ni və Fələstınıjon fəğət İordan ru japədə iyən Ğəzzə dırozə latə və tanqə əraziyonədə bəmandeyn.Ğuds çı Fələstınıjon əbədiyə poytəxti unvanədə zikr bıəni və Ğudsiku xaric,Əbudis nomo qıləy qədə məntəğə de Fələstınıjon poytəxti nomi bın planədə nəzədə qətəy bıə.
Yavə Əsri mığovilə plan ki,de Amerkə idorəçəti iyən de ərəbon sazıkorəti təğib bedə,çəy hədəfə bə seonist israyil rejimi qıləy legiməti baxş kardeye.qıləy mevzu ki,de Fələstın iyən ərəbon hədəfon i omeydəni və ziddiyyətış heste.əmo kali ərəbon min cumlə Ali-Səud rejim boştə baği mandə umri oqəteyro, de Amerkə iyən israyil rejimi bın xəyonətədə oşkoə formədə şərike.bın zəminədə Əlğudsul-Ərəbiy internet portal rujnomə nıvıştəşe:Əsri mığovilə plani nusxə çı İordan ru sahiliku 10 fayizi məxsusən Əlxəlili co kardey və Ğudsi şəhri ətrofədə Əbudis çı Fələstıni şəhri elon kardeye ki,Səudiyyə vəliəhd de ın plani rozi bıə.
Aleks Fişmən israyli məşhurə hərbi ekspert elonış kardə:”Ərəbıstoni şahzodə Məhəmməd bin Səlmon dəvardə aprelə manqədə bə Vaşinqtoni səfədə çı tojə əsri mığovoilə plani nusxəku aqah be və ıştə israyli himoyə kardey elonış karde....
