Bə dınyo bumi iyən aboriqenə milləton ehtırom noey
Bə dınyo bumi iyən aboriqenə milləton ehtırom noey
Aboriqenə millət umdətən bə bəşəri cəmyəti i baxşi votey bedə ki,de tobə ısət həm bə elm iyən kanə adəton jimoni əsos,jimonkon.adətən,bumi iyən aborigenə camiyədə inkişofo sədo və ov-həvo bəsə coqləyni cəmyətonsə kınd iyən zəyife.çın kındi və zəyfəti illət və səbəb ıme ki,umumən aborigenə cəmyəton bəştə bə dast vardə kanə elm iyən fərhənqi əsos və həmçinin bəçəvon ixtiyorədə bıə çiyon iyən ıştə camiyə ehtiyocon miyono taraz bərğərol kardey əsos,ozavziyedən və inkişof kardedən.
De qıləy nev votey bəbe ki,bumi iyən aborigenə milləton bə inkişofi sabit mandey bəsə coqləyni millətonsə vey dığğət kardedən.bo imkişofiro de vey muhimmə əbzoron vositə,çı bumiyə milləton bə təbiiyi mənbə və sərvəton ziyodə dığğət boyis bıə ta ımrujnə dınyo elmi təşkiloton bə bumi elmon ziyodə dığğət nışon bıdon.İMT həmmıxtəlifə kişvəronədə bə çandə sa həzo nəfər bumi ,aborigenə iyən bəfodor iyən loyalə jenı-merdon iyən bəçəvon ğədimə adəton ehtırom noey xoto,sıftədə milodi 1995-ə soriku de tosə 2004-ə sori və peşo iqlə da sor həm yəni 2005-ə soriku de tobə 2015-ə sori bo dınyoədə aboriqenə milləton himoyə kardey məğsədi,avqustə manqi 9-ə rujışon,dınyo aboriqenə xalğon nomışon noe ta ın ruj bo bumiyə milləton cəmyəti həxon mıdofiyə kardey xoto iyən çəvon hərkəton məxsusuən ətrof muhiti mıhofizə kardey cəhəto əvoni himoyə kardey xoto qıləy bəhonə bıbu.harçənd çandə sore ki,ım ruj dınyo və beynəlxalğ səviyyədə bərpo bedəni,əmmo çı dınyo bumiyə milləton iyən çəvon çandə qılə işkilon ısət əvon deəy dimdəmie,ijən ehtiyociş heste ki,dınyo iştimaiyyət bəy dığğətko.de ın bəhonə və de ın ruji mınosibəti qıləy bərnoməmon hozzı kardə ta bəşmə xıdmət bırosnəmon.
