Rəhbəriyyəti nəzə
Rəhbəriyyəti nəzə
1979-ə Miladi sori İron İslom Respublikə səbarzəti qıləy yolə hodisə be ki,nəinki,ım bə İronədə şah rejimi peqordıney boyis be,bəlkəm veyə imperiyalistə ğıvvon məxsusən çı Amerkə bə İroni sərvəton səmt dıroz kardə dastış həm bırniye.çə rujiku jıqoşə Amerkə iyən Amerdkədə mıxtəlifə devləton bo İroni islomi hukuməti peqordıneyro bıə cəhdon bə əməl ome.canq,terror,bənə mınofiğon bıə terroristə dastəon hərbi iyən mali təchizat cəhəto komək kardey,ixtisodi,hərbi iyən co sahədə mıxtəlifə sanksiyaon noey çı Amerkə iyən çəy həmdast bıə kişvəron bə İroni milləti ələyh əyoni iyən punhoni deşmınətiyonku bə hisob omeydə.əvon bo İroni millət iyən devləti ziyodə saxtiyon və problemon soxtəşone ta çı İroni milləti irodə darışton iyən çəvon peşti şatkon.əmmo, çı Amerkə iyən çəy həmdaston de tobə ısət hiç qıləyni şəytoniyə bərnomə bə İroni milləti inğılobi hərəkəton hiç qıləy zərəl rosneş zınəni.ın deşmınətiyon mı İroni məxloği əzəm və irodəş tiki həm ğoymış kardə.
Bo dınyo iştimaiyyəti fiki bə dast dənoeyro Amerkə mıxtəlifə prezdenton niğobonku qıləyni,çəvon rasional mızokirə və votemon kardey iddioe.əvon iddio kardedən ki,çı mızokirə iyən votemoni əhlin və problemon de ın roy həll kardey bəbe.bəçəy xoto əvon,çı İron İslom Respublikə məsələ barədə sər-sədo kardəşone ki,quya İron bo mızokirə kardey dılış ni.
Ironi millət ki,qıləy nığılə fərhənq iyən mədəniyyət iyən kanə tarıxış heste,çı tarıxi sıftəku de tobə ısət de istiğlol tələb kardə iyən dustonə rəftorış bıə de qırd kişvəron rabitəş bıə.de prezdent doktor Ruhani rəyisəti bıə İroni yonzəminə devlət bə Amerkə tələbon əsos,de Amerkə iyən dınyo co penc qılə co kişvəron sehbət və mızokirə kardey xoto,qıləy mızokirəkə komandəş tərtibış karde və İroni de Amerkə iyən penc qılə co kişvəron miyono mızokirəon oxoyədə de Əhotəninə Mıştərəkə Fəlaiyyəti Plani formati qıləy rizoyətnoməşon imzo karde.İron çok-çoki qırd bəştə ehdə peqətə çiyonış rioyət kardeşe və Beynəlxalğ Atom Enerji Aqentəti deştə ciddiyə nəzorəti İroni ım bə ğanunon rioyət kardeyış təsdığ karde və de tobə ısət donzə kərə əyani surətədə elonış kardə ki,İron İslom Respublikə bəştə ehdə peqətə çiyonış həmməy əməlış kardə.İroni bə ƏMFP ğanuno əməl kardey mığobilədə bəbe Amerkə həm bə İroni ələyh bıə qırd sanksiyaonış ləğv kardə be və qırd ın fişar və təzyiğonış çı İroni millətiku duşiku peqətəşbe.əmmo,çı mıstəkbir iyən imperiyalistə ğıvvon xıslət zu tətbığ kardeye,əve çı mızokirə və votemoni niğob çı Amerkə prezdent Donald Trampi çehrəku eqıniye və Amerkə ısətnə prezdent qırd rizoyətnoməş bə nıvindey jeşe və ƏMFP-iku xaric be. Amerkəvıjon ki,dayima hırdənəkıştə israyli cinoyətkorə rejimi mıdofiyə kardey,nışon doydə ki,Amerkə devlətədə mızokirə və votemon kardey şuar bo milləton bə dast dənoey xotoye və çın naxşış reçin bıə mori pusti jiyədə,bə odəmi ziyoni boyis bıə zəhrış heste ki,əy bə dınyo pevolo kardedə.Amerkə ijən bə İroni məxloği,bəlkəm bə qırd ıdnyo nışon doşe ki,hiç curə bəy etımod kardey nibəbe
