Şiiə yolə alimon-25

In kitob İmom Huseyn(ə)-I ğıyomi Mədinə hərəkətiku de tobə usəra və əsiron bə vətən oqardemoni şərh kardedə.ın kitob dastoni tərzədə tənzim bıə və ım xısusiyyət Luhufi kitobış  bə tərtib iyən formə tərzi cəhəti xoto,çı co rəvoyəti kitobonku co bedə.İbn Tavusi kitob ziyodə tərəfdorış pəydu karde.çandə kərə tərcumə,şərh,təlxis və hətto nəzmi formaədə bekardəşone və de tosə ımrujnə ruji bənə qıləy metəbərə məğtəli zıney bedə…..

Hicri-Ğəməri haftminə əsrədə İslomi dınyo siyosi,məzhəbi iyən fərhənqi vəzyət,nışon doydə ki,ım devron de islomi tale və sərnıvıştədə təsir noə hodisəon pure.monğolon dumo yənde bə islomi sərzəminon həmlə kardey və Əbbosi xilofəti suğut.çın devrə torxıi həmməysə muhimmə qıləyni bıə ki,islomi dınyoədə fiki,fərhənqi iyən əxloği behronon bə vucud omey boyis be.bın şərayitədə şiyə alimon ki,çandə dırozə soron çı təzyiğ iyən fişaron jiyədə bin,bo islomi əğedə və fərhənqi marzon nığo doeyro ziyodə koonışon bə vırə rosne və çı monğolon tərəfiku bə islomi səmt bıə təhdidonışon de Xıdovəndi koməki,qıləy fırsət icod be və ımışon bə islomi mədəniyyəti sutunon ğoym bıey təbdilışon karde.de ın tərtibi şiəyon Hicri-Ğəməri haftminə əsrədə məxsusən Bəğdadədə mədəni iyən iştimoyi cəhəto bə qıləy məxsusə məğami rəsin.ım yolə alim de mıxtəlif nev mevzuon barədə kitobon tərtib və nəşr kardey,Əhli-Beyt(ə) məğtəli rəvoc doey və de islomi co məzhəbon tərəfdoron mınozirə və debat məclison bərpo kardey və məhdəviyyəi əndişə və nicotədə zuhur məxsusən dıvo mədəniyyəti tərvic doey,çı şiəyon iştimoyi və mədəni vəzyəti ozavziyədə bemislə rolışon ifo kardə….

Məsumin(ə)-iku varid bıə dıvonədə bıə maarifon çımiku iborətin:Xıdovəndi zıney,insoni fəzilət və rəziləton zıney,insoni bə Xıdo şiddətinə ehtiyoc  və çəy rəhmət və məhəbbəti cəlb kardey,qıno iyən ğəflətonku bə Xıdovəndi səmt oqardey və tobə kardey.qıləy təməddun və mədəniyyət ki,şiiə məzhəbədə çı dıvo ğolibədə nışon doey bedə de həzrəte Məhdi(ə)-j huzur və zuhuri və de çə həzrəti qılobal ədolətinə devləti təşkil doey qıləy xarici həyğət pəydu bəkarde.bə ın mədəniyyəti soyb bıey qıləy xısusiyyəte ki,bo muştağ iyən dıli piyəkəson həmmə vıronədə izoh və şərh doey bıə.şiiyə məzhəbədə fərd və camiyə de dıvo vositə nəfsi tərbiyə və təzkiyə pəydu kardedə və de tərtibi və zəmoni mıddətədə bə çın məzhəbi hədəfi noxtəon yəni bə komilə inson və fəzilətinə şəhri rəseyro,ıştəni hozzı kardedə…….

Nəhoyətən,de səmərə pur bıə i umri bəpeştə,Seyd ibn Tavus Hicri-Ğəməri 664-ə sori 75 sinnədə və Bəğdadi şəhrədə bəfotış karde.çəy şərofətinə bədəm bə Nəcəfi şəhr ovoştıney be və Əmirəl-Muminin Əli(ə)-I hərəmədə dəfn be.Seyd ibn Tavus qıləy holədə dınyoş tərk karde ki,qırd şiiyə alimon əy de zohd iyən təğva tarif kardedəbin və çəy elmi əzəməti mığobilədə sə təzim kardedəbin.ısət ki.çandə əsr çın buzurquvar və yolə alimi bəfotiku dəvardə,ijən əv de əzəmət və ehtıromi zikr kardey bedə və çəy nıvıştə Luhuf kitob Əhli-Byet(ə)-I aşığon dılon bə Aşurə həşi peyvənd jeydə,dəvastedə….

Hicri-Ğəməri haftminə əsrədə jiyə Şiyə yolə alimonku qıləyni,ironıjə filosof, fəğih, mutəkəllim, riyazidon və yolə mınəccım  Xacə Nəsirəddin Tusiye.Əy Mərağə rəsədxonəş bina kardə və bənə Hilli iyən Ğutbuddin Şirazi  çəy məktəbədə perəsən.ın yolə alim islomi dınyoədə nışon doə bemislə elmi xıdmətonsə əlovə,monğlon həmlə zəmonədə şiyə məktəbi oqətey və elm iyən dini yolon coni nicot doey və peroxneyədə qıləy muhimmə rolış bıə