Şiiə yolə alimon-32

Muhəğğiğ Hilli dərsi ali məclisonədə 400 qıləsə veyə aqahə mıştəhid ki.çəvon şərhe-hol iyən avtobioqrafiyə ricali kitobonədə omə,fariğut-təhsil və məzun bıən və jıqo qıləy mevğıyyət de tosə ısət bo hiçkəsi hosil bıəni.Əllamə Muhəğğiğ,İbn Davud Hilli və Fəxrul-Muhəğğiğ çəy şoqirdonku bin.İbn Davud Hilli Hicri-Ğəməri haftminə əsri coqləyni yolə alim ıştə kitobədə çı Muhəğğiğ Hilli həxədə jələvoni nıvıştedə:Muhəğğiğ Hilli imom,əllamə və ıştə zəmonə yeqanə şəxsiyyət be ki,bənə əy qıləy nati0ğ iyən sıxan votəkəs nıbe.əv qıləy kəse ki,de burhan və dəlili xəsm iyən deşmınəti bə sukut iyən xuzu vodor kardedəbe.holo-hazır və mıosirə zəmonə yolə şiyə alim və muhəğğiğ Tustəri ıştə kitobədə nıvıştedə:”Muhəğğiğ Hilli iminə şəxse ki,fiğhi kitobonış de mutəxxirini metod və tərtibi hozzış karde”… Muhəğğiğ Hilli nıvıştə həmməysə muhimmə kitob”Şərayiul islam fi məsailul həlal və həram” kitobe ki,de”şəraye” məşhure və torıxədə əbədi mandə.ım kitob de kamə ləfz və kəlməon,əmmo de reçin və valehəkə iborəton,qıləy rəvon,munəzzəm iyən torıxədə nıbə tərtibi səpki və de qıləy tojə iyən cozibədorə metodi bə fiğhi məsələon ərsəş varde.çı muəllifi devroniku de tosə ısət bə ım kitobi məftun bıən və əsron dırozi fuğəha və fəğihon bə ın kitobi təkyəşon kardə və ıştə bəhson və dərson çəy ətrofədə ğərol doydəbe və şərh iyən təhlilon və haşiyəon bəy nıvıştedəbe.çı Şəraye kitobi həmməysə məruf və məşhurə şərh “Cəvahirul-Kəlam” kitobe ki, senzəminə əsrədə de Şeyx Muhəmməd Həsən Nəcəfi vositə nıvıştey bıə.çı Şəraye kitobi əhəmiyyət bə həddədəy ki,çı şiyə fiğhi yolə alimon kali qıləyni jıqo hisob kardedən ki,çı muhəğğiği bədiqə çəmə təlif bıə yolə fiğhi mənbə və kitobon həyğətədə çın kitobiku bıə şərhonin.”Əlmuxtəsəru-nafi fi fiğhi İmaiyyə” kitob həm çı Muhəğğiğ Hilli coqləyni məşhurə kitobe ki,həyğətədə çı Şəraye kitobi mətləbonku vıjniyə bıə əsərone….. Muhəğğiğ Hilli elmi şəxsiyyəti həxədə muhimmə nuktəonku qıləyni,çəy şiyə məktəbədə bıə vilayəte-fəğih nəzəriyyə barədə rol be.votey bəbe ki,çın mudrikə alimi fiğhi məktəbi xısusiyyətonku qıləyni viloyətmədorə ruf çəy fiğhi həmmə vırədəy ki,çı vilayəte-fəğih nəzəriyyə təhəvvuli prosesədə muhimmə rolış ifo kardə.şiyə məktəbi fiğhi Vilayəte-Fəğih nəzəriyyə və termin çı fəğihi yolyəti iyən hukuməti mənoədəy.ım yolyəti və hukumət və bəy loyığ bıə şəxsi,qıləy məxsusə şərayit və xısusiyyətonış heste ki,şiyə fəğihon əvışon çı şiyə rəvayi kitobonku istinbot kardəşone.Muhəğğiğ Əvvəl iminə qəm və ğədəmədə çı zəmonə hiç qıləy sulton və hukuməti rəyison viloyətış ğəbul kardəni və çəvon viloyəti ğəbul kardeyış hərom hisob kardə və peşonə ğəmonədə de Məsumə İmomi(əc) nayibəti nomi bo camiyuş-şərayitə fəğihi bo şəryəti hukmon icro kardey və islomi camiyə yolyətiro viloyəte fəğhihi sabit kardedə