Şiiə yolə alimon-87

Məhəmməd Bağır ibn Məhəmməd Təği Məclisi(Hi.Ğə.1037-1110) de Əllomə Məclisi ya dıminə Məclisi  nomi məşhurə şəxs Hicri-Ğəməri yonzəminə əsrədə jiyə yolə fəğih iyən mıhəddisonku qıləyniye.çəy həmməysə məşhurə kitob Biharul-Ənvari nomo hədisi məcmuəku iborət bıə kitobe ki,dini mərıfəti mənzumədə hədisi ehyo və bəyji kardeyədə qıləy barziə rolış bıə.əv de ziyodə şoqirdon perosney iyən kitobon nıvıştey ki,çəvon veyniş forsi zıvonədə nıvıştəşe və bo umumməxloği istifodəroye,bə Şiyə fərhənq iyən uləma elmi şivəonədə ıştə təsironış noə.

Hicri-Ğəməri 1037-ə sori Rəməzonə manqi çı Şiyə nomdor iyən pərhizkorə alim və mıştəhid bıə şeyx Məhəmməd Təği Məclisi kədə qıləy hırdən bə dınyo ome ki,Məclisi xanedani alimon silisləş bə elm iyən təğva barzə mərtəbəş rosne.çəy pı de Ali-Muhəmmədi Bağıri nomi ehtıromi  çəy nomış Məhəmməd Bağırış noe və çın hırdəni tərbiyə iyən təlimədə ziyodə cəhdış nışon doe.Məclisi xanedan Livani  Cəbəl-Amili əhaliku be ki,bə İron hicrətışon kardəbe.ın elmi əhl bıə xıyzon Hicri-Ğəməri pencminə əsriku de Təşəyyu və şiyəti məşhur bin və çəvon veyni çı məşhurə alimonku bə hisob omeydən....

Məhəmməd Bağır ki,qıləy istedodin və xoşə zevğə hırdən be,ıştə alim iyən təğvaninə pı təlimi jiyədə de ıştə zəmonədə rəvoc pəydu kardə elmon təlimi koy məşğul be və çəysə həm muhim har ləzə ıştə pı əxloği kəromət iyən vucudi səfoku bəhrə bardedəbe.həmonə devrəku duston iyən oşnoon  bo vey cəhd kardə və  xoşzevğə Məhəmməd Bağıri qıləy ruşinə vəomə nəzədə qətəşonbe.əv 14 sinnədə beyədə İslomi dınyo yolə filosof və alim Molla Sədraku rəvoyəti icozəş se......

Əllomə Məclisi qıləy kırtə mıddətədə bə zəmonə dərsi hovzə mıxtəlifə elmonış bənə sərf iyən nəhvi,məani iyən bəyoni,luğət və riyazi,torıx,fəlsəfə,hədis iyən rical,dirayə və usul,və həmçinin fiğh və kəlomi elmonədə bə ustodəti dərəcə rəse və çı təlifi soyb be.əv bəsə çı har qıləy ustodisə vey ıştə pı Muhəmməd Təği Məclisi palu təlimış vinde və çun çəy pı çı şeyx Bəhayi şoqird be,çı şeyx Bəhayi əndişə və fikonku çokə bəhrəş barde və çəyku qıləy təsirış peqəte. Məhəmməd Bağır həmçinin ıştə cıvonəti zəmonədə bənə Molla Əbdullah Şuştəri,şeyx Əbdulla ibn Cabir Amili,şeyx Əli Cəbəl Amili bıə ali-ğədrə alimonku və bənə Molla Muhsin Feyz Kaşani bıə co həkim iyən alimon ki,çı fiğh iyən hədisi sahədə fəoliyyət nışon doydəbin,bəhrəonış barde......

Metəbərə mənbəonədə Əllomə Məclisi pıku hikoyət nəğl bıə.Muhəmməd Təği Məclisi ki,de İminə Məclisi məşhur be,çı Səyfeye-Səccodiyyə sahədə ovandətiş pəydu kardə alim be.votedə ki,qıləy şəv bə Xıdovəndi dərqo şəvi nimədə çı nımoj,istiğfor iyən dıvo və bəmey bəpeştə,qıləy holətım pəydu karde ki,zıneme çımı dıvo ısət bəştə ğəbul bıey dərəcə bərəse və mıstəcəb bəbe.ıştən-boştə voteme ki,Xıdovəndiku çiç tələbkəm?dini ya uxrəvi hocət və tələbkəm?bə ikkərə çı hırdən bıə Məhəmməd Bağıri bəme sədo bəçımı quş rəse.voteme:Xıdolim ha! Bə Muhəmməd və Ali Muhəmmədi xoto,ım tifli çı seyyidil-mursəlini dini hukmon naşir və tərvicəkə bıkə və əy ıştə benəhoyətə tovfiğot və ovandətiyonədə səbarzkə.və ım dıvo be ki,çə həmonə tifli barədə mıstəcəb və ğəbul be.....