Şiiə yolə alimon
Şiyə dınyo yolə alimon-185
Şiiə yolə alimon
Fazil Tuni qıləy əcibə huş iyən həyəconış hestebe və çəy bə elm iyən mərıfəti nisbətədə qıləy komilə iştiyoğış hestebe.Fazil Tuni bə elmi bıə ın hərisəti boyis be ki,əv bə qıləy komilə ustodi təbdil be.əv ibtido Daruş-Şifo mədrəsədə de dini elmon tədrisi koy məşğul be və peşo “siyosi mədrəsədə” de ərəbi zıvoni tədrisi koy məşğul be və peşo şandə vaxti bədiqə çı fiğh iyən məntıği elmon tədrisi koyış həm bəştə ehdəş peqəte.i mıddət həm “Darul-Funun” iyən “Və`z iyən Xutbə mıəssisədə” de tədrisi koy məşğul be.Həşi 1313-ə sori ki,Tehronədə ”Məğul iyən Mənğuli instut” ya həmonə “əlheyət iyən İslomi maarifi instut”-ədə təsis be,Fazil Tuni bo fəlsəfə, kəlom iyən ərəbi ədəbiyyoti tədrisiro bə ım instuti dəvət kardey be və peşonə soronədə Tehroni instutədə “ədəbiyyot kollecədə”həm bə ın vıron əlovə be.de ın tərtibi dırozə soron ərzədə çandə həzo nəfər Şiyə çın yolə alimi dərsi məclisonku bəhrəşon barde….
Fazil Tuni tədrisi zəmonədə kulliyə formədə ıştə təkəllum və sıxan votey əvəz kardedəbe və mətləbon aşmarde-aşmarde və de qıləy xotırcəməti dərson şərh doydəbe və həmməysə muşkil və mırəkkəbə maarifon de qıləy sodə iyən ruşinə bəyoni təbyin kardedəbe və ıştə dərsi de Kərimə-Ğıroni ayəon iyən de Mevlana və Hafizi şeron dərosteydəbe.bo tələbəon sıstəti bərtərəf kardero əksərən mətləbon de qıləy şinə bəyoni tədris kardedəbe və kam beydəbe ki,ıştə dərson məzə iyən zərfət nıbə holədə bə oxo bırosno.
Fazil Tuni məclisi tədris qıləy dərəcədə cozibədor be ki,ğalibən digər fənnon tələbəon ıştə fəroğət iyən təyliyə vaxtonədə çın yolə alimi dərsi məclisonədə iştirok kardey boştə ğənimət zıneydəbin.əvon bə Fazil Tuni elmi əhotə,huzure zehni,bəçəy nığılə hofizə,husni-bəyoni.zevği,imoni ğıvvə iyən bəçəy səfo və sodəti cəzb iyən heyran bıəbin.çəy sıxanon bəyon anədə və əxtə şin be ki,adətən tələbəon hejo ıştən bo iyande çəy dərsi məclison votedəbin….
Çunki,Əllomə Fazil Tuni qıləy zumand iyən ziyodə hafizə soyb be,əve ıştə ustodonku omutə dərson nıvışteyədə be ehtiyoc be.liza çəy təhsili dırozi kam bə nav omeydəbe ki,ıştə dastə bə ğələmi səmt bıbo və qıləy çi bınıvışto.həmonə ko boyis be ki,bəçəy soyb bıə qırd elmi fəzilət iyən əxloği məclison rəğmən,kamə kitobonış təlif karde.demiyən de namizədəti dissertasiya bə Ğeysəri “Fusulul-Hikmə” qıləy şərhış nıvıştışe ki,ibtido de ərəbi zıvoni be və peşo bə instuti məhdudiyyəton dəlili xoto bə Farsi zıvoni tərcumə kardey be.
