Osmoniyə surəon-155

Osmoniyə surəon-155

Zuxrufi mıborəkə surə Kərimə-Ğıroni çılı seminə mıborəkə surəy və çın surə ğərəz 45-ə ayə,əmandə ayəonış Məkkədə nozil bıə.Zuxruf  zər-zibo iyən ziynəti mənoədəy  və çın surə nom 35-ə ayəku peqətə bıə.zuxrufi mıborəkə surə 89 qılə ayəku iborəte.çın surə mehvər və məzmunon çımonku iborəte:Kərimə-Ğıroni əhəmiyyət,pəyğombər(s)-i nıbuvvət,ənbiya və pəyğombəron mıxolifon əksul-əməl və reaksiya, tohidi kali dəlilon,de şırki mıborizə bardey və bə Xıdo nisbət doə bıə bəzi norəvoə sıfəton inkor kardey,miad iyən mumin və kofiron mıkofot və ağıbət iyən botıl və xorafi erjon bə həşə jıey.

“Ha mim.ğəssəm(bıbu) bə ruşinəkə kitobi.həyğətən,əmə əvımon ərəbiz(zıvono bıə)Ğıronımon ğərol doe, ğasbu (şımə çəy barədə) ıştə ağli oko bıdon.bərosti əvımon ummul-kitobədə(lovhi-Məhfuzədə) çəmə palu  barz və himətamize”.(1-4).

In ayəon bə qıləy kitobi ğəssəm hardedə ki,çəy həyğəton oşko,çəy məfhumon ruşin və çəy hidoyət vazeh iyən mehkəme.qıləy kitobe ki,ərəbi zıvono nozil bıə.ərəbi zıvoni dınyoədə həmməysə vey pevolo ın həyğəti bəyon kardedə.luğətşunoson  ərəbi zıvoni fəsih və vazeh bıeyışon zınə.yəni Kərimə-Ğıronımon həmməysə barzəm səviyyədə de fəsohəti ğərol domone ta həyğəton çəy kəlmə və cumləonku çok-çoki zohir bıbu.

“Ummul-Kitob”  (İnə Kitob) qıləy kitobe ki, çı qırd osmoniyə kitobon əsl və əsose.ım çı pərvərdıqore-aləmi  həmonə elmi kitobe ki,çəy paluye.aləmi qırd həyğəton və vəomə iyən dəvardə hodisəon iyən osmoniyə kitobon bəvədə dərc bıə və hiçkəs bəy nufuz kardey nibəzıne.illa ki,Xıdovənd ıştən bıpyişe əy oşkoko.

Kərimə-Ğıron çı həxı oxoş nıbə elmiku sərçeşməş peqətə və çəy əsl iyən həyğət Lovhi-Məhfuzədə,Xıdo paluye və əvışon jıqo vəsf kardə ki,ım qıləy kitobe ki,məğamış barz,hikmətamiz iyən mehkəme.....

Zuxrufi mıborəkə surə muhimmə mevzuonku qıləyni.de cohili iyən xorafi fərhənqi mıborizə bardeye. tohidi dəlilon bəyoni bədiqə bıə ayəon,bə islomi buzurquvarə peyğombər(s)-i təsəlli doydə ki,har qıləy pəyğombər ki,ome,əvon həm məsxərə bin.peşo,cohili mədəniyyəti nımunəon zikr kardedə və əvoni mızəmmət kardedə.

Bıtpərəston bemənoə intizor və təvəğğışon hestebe və bo Kərimə-Ğıroni ğəbuliro,mıxtəlifə vavunəon vardedəbin.çəvon bəhonəonku qıləyni ıme be ki,çıron ın Ğıron dıqlə şəhri yəni Məkkə de Tayifi miyono bə sərvət iyən məğami cəhəto dıjdə insoni nozil bıəni.(31-ə ayə).

Çəvon təəəccıb ım be ki,boçi Ğıron bə qıləy sərvətin iyən məşhurə şəxsi nozil bıəni və bə nə pulış bıə iyən yətim bıə Muhəmmədi(s) nozil bıə?

Həyğət ıme ki,cohili erjon nizomi əsos,fərdon həyğəton bərəks vindedəbin.qıləy holədə ki,ilahi dəvəti vardə kəson bəpe qıləy aqah,qətiyyətin,şucoətin,ədolət tələb və de milləti məxsusən de məzlum iyən ehtiyocinə məxloği oşno bıbu.