Osmoniyə surəon-169
Osmoniyə surəon-169
Bəle,Xıdovəndi nusrət və koməkon bə muminon şomil bedə.ilahi məlayikon bə imoninə şəxson komək kardedən və əvoni çı fırsiyeku oqəteydən.əmmo,kofiron jıləvoni nin.beimonə fərdon fırsiyə zəmonədə həni hiçkəs çəvon bazu və kəşi ji qəteydəni və əvon bə suğuti də səmt hərəkət kardedən.çı muminon əməlon de bərəkəti pure,əmmo çı kofiron kardə əməlon hiç qıləy əsosış ni və çəvon əməlon de surəti məhf bəbe.
Muhəmmədi(s) surə 9-ə ayə çı kofiron suğuti jıqo bəyon kardedə:”ım həmonə xətəre ki,Xıdo nozil kardə çiyku kərohətışon hestebe.(xoşışon omeydə nıbe)liza,Xıdovənd çəvon əməlonış hubt iyən məhfış kardə”.
De ın ko əloğədor 11-ə ayə dığğət kardedə ki,bə pokə zoti soyb bıə pərvərdıqore-aləmi viloyəti jiyədə bıə kəson,çəvon muşkilaton zəmonədə bəvon komək bedə və oxoyədə əvon bəştə məğsədon rəseydən. əmmo, kofiron əməlon məhf bedə və çəvon ağıbət həm həlokəte.joqo ki,hamyedə:”ın bəçəy xotoye ki, Xıdovənd bə imon vardə kəson yol iyən bəvon komək kardedə,əmmo çı kofiron sərpərəst və koməkə ni”.
Muhəmməd(s)-i surə 35-ə ayə bə sıst iyən zəyifə imoni soybon ki,canqi meydoni zəmonədə bə və omə saxti iyən muşkilatonədə sulhi məsələku bəhs kardedən-bəçəvon yod dənoydə ki,sulh qıləy çokə koye, əmmo çəy mınosibə vaxti.ə sulh ki,islomi barzə hədəfon təminko və çı mısılmınon əzəmət iyən abru hifzko.əmmo,ısət ki,ğələbə nışonəon iyən şımə səbarzəti nışonəon oşko beyədə,çıro de sulhi təklifi ıştə səbarzətiyon notəmom kardedəniyon? jıqo qıləy sulh,həyğətədə qıləy sazişe ki,çı sıstəti iyən zəyfətiku sərçeşmə peqəteydə.ayə hamyedə:”çən,ısət hiçvaxti sıst məbənən və (deşmınon) bə (zıllətinə)sulhi də`vət məkənən.qıləy holədə ki,şımə barziyon və Xıdovənd deşməy və şımə əməlon (səvobiku)bəkam nibəkarde”.
Ayə oxoyədə bo mısılmınon ruhiyyə zumand kardero,əlovə kardedə ki,Xıdovənd deşmə bə icoye və şımə əməlon səvobiku bəkam nibəkarde.əkəs ki,Xıdo deəye,çı səbarzəti qırd amilon çəy ixtiyorədəy və əv hiçvaxti ıştə vucudədə bə sıstəti iyən zəyfəti ro nibədoe.
Həlbəttə,ın ayə de Ənfali mıborəkə surə 61-ə ayə məzmuni hiç qıləy ziddiyyətış ni ki,hamyedə:”ehanə çəvon bə sulhi meylışon bıbu,tı həm bə sulhi meylkə və bə Xıdo təvəkkulkə ki,əv əməs iyən zıneydə”.
Çın ayəonku har qıləyni bə qıləy məxsusə şərayiti ayide.qıləyni mə`ğul iyən tədbirin v coqləyni vırəş nıbə sulh.qıləyni çı mısılmınon mənafe təmin kardə sulhe və coqləyni ğələbə astanədə çı sıstə unsurə fərdon tərəfiku təklif doə bıə sulh....
Muhəmməd(s)-i oxonə ayə Xıdo royədə infoğ və baxş kardə kəson ayide.joqo ki,hamyedə:aqah bıbənən! şımə həmonə (millətiyon) ki,bo Xıdo royədə infoğiro dəvət bıəyon.çən,şıməku kali qıləyni pəxıləti kardedə və hakəs ki,pəxılətiko,fəğət dre zıvoni pəxılətiş kardə və Xıdovənd be ehtiyoce və şımə (həmmə) ehtiyocin və əgər dim bıqordınon,Xıdovənd şımə əvəzi coqlə dastə bəvarde ki,(əvon) bənə şımə nibəbeyn”.
İnfoği ziyodə foydəonış heste.təbəğəon bə əməl omey vəy qəteydə və əy bəkam kardedə,oroməti iyən əmniyyət bə camiyə hukmronəti bəkarde və camiyədə səfo iyən səmimiyyət çı ədovət iyən kin-kudurəti vırə qəteydə.oxonə ayədə həm Xıdovənde-Aləm bə infoğ iyən baxş kardə kəsi ziyodə neməton əto kardedə.binobərin,ehanə şımə bəxlətikon,bəvədə şımə bəştə ıştəni pəxıləti bəkardiyon.
Ayə hamyedə:Xıdovənde-Aləm ğəni iyən qəncine və bəşmə infoği ehtiyociş ni.ın şıməyon ki,dınyo iyən axırətədə bəçəy lutf iyən rəhməti ehtiyociyon heste.umumən qırd məxloğat səyku bə lınqi çı fəğrəti iyən ehtiyoci dılədəy və fəğət Xıdovənde ki,zotən ğəni iyən be ehtiyoce.
Ayə oxonə cumlə bə mısılmınon qıləy çəşnavi doydə ki,çın dıjd və yolə neməti ğədri nızınən ki, Xıdovənde-Xalıği şımənış çı pokə ayini nığo doəkəsonış ğərol doeta şımə çəy din iyən çəy pəyğombəri himoyədor bıbən.və ehanə şımə çımiku dim bıqırdınon,əmə ın məmuriyyət və əmri bə cokəson bəspardemon.qıləy dastə ki,əvon bənə şımə nibəbeyn.
