Şiyə torıxi yolə alimon-3
Şiyə torıxi yolə alimon-3
Şeyx Kuleyni ıştə bərəkətinə umri dırozi vey erjinə əsəronış təlif kardə.əmmo,çı Şeyx Kuleyni həmməysə muhimmə kitob Əlkafi kitobe ki,çəy təlifədə ıştə umri 20 sorış sərfış karde.Kafi kitob çı şiyə məzhəbi çoqlə metəbərə hədis iyən fiğhi mənbə kitobon iminə qıləyniye və ın kitob nəyin ki,çı Kuleyni təlif kardə həmməysə dıjdə kitobe,bəlkəm islomi camiyədə hədisi zəminədə qıləy vey metəbərə kitobe.ın kitob təğribən yoznə əsr çımi bənav nıvıştə bıə və de tobə ısət həm şiyə dıjdə alimon,fəğihon iyən muhəddison ovard kardə kitobe.
Şeyx Kuleyni ıştə de bərəkəti pur bıə umri dırozi co erjin və ğeymətinə kitobonış həm təlif kardə.min cumlə “Ərrical”,”Ərrəddu əla ƏlĞəramətə”,”Rəsailul Əimmə(ə)”,”Təbirur-Ruya” Əhli-beyt(ə)-I fəzilət və mənağibi barədə bıə şeron məcmuəy.Şeyx Kuleyni ıştə Kafi kitobədə peyğombər(s) iyən Əhli-Beytiku(ə) 16000 həzo hədisış cəmış kardə vardə.ın kitob seqlə baxşiku iborəte:”Usul”,”Furu`” və “Rovzə” baxş ki,bə etığodi iyən əxloği bəhson şomile və 8 qıləy baxşədə təşkilış pəydu kardə.mərhum Kuleyni ıştə “Usuli-Kafi” baxşədə de qıləy dəğiğ iyən məntıği çınemoni sıftədə de bə çandə qılə rəvoyəton istinodən bə ağl iyən bəçəy əhəmiyyət və məğami işorə kardedə.peşo bə el omutey fəzilət iyən adab və ğaydəon işorə kardedə ta bo etığodi əsoson isbotiro çı elm,mərıfət iyən aqahəti əhəmiyyəti ruşinko.bın zəmon bə etığodi prinsipon yəni bə tohid iyən Xıdoşunosi bəhsi işorə kardedə.peşo “Əlhuccə” kitobədə bə nıbuvvət iyən imoməti ayid bıə hədisonış vardə.Usuli-Kafi coqləyni baxşədə bənə təvazu,həliməti,ğənoət,dıvo fəzilət,Ğıroni fəzilət,muaşirəti ğaydəon bıə əxloği iyən tərbiyəvi məbhəson məxsusış kardə.çı Usuli-Kafi ın baxşədə bıə mətləbon vey cəzbəkə iyən bo həmmə kəson nəzədə qətə bıə….
Kafi kitobi dıminə baxşədə yəni Furu`ədə bənə nımoj,zəkot,rujə,həcc iyən co fiğhi rəvoyəton ixtisasış doə ki,bə mətləbi məxsusi bıey dəlili xoto,adətən fəğihon çəyku oko doydən və istifodə kardedən.Kafi kitobi seminə baxş ki,Rovzəy,de 597 qılə hədis mevcude və bənə İmomon(ə) xutbə və noməon və moyizəon, dastonon və torıxi mətləbonin və bə mevzuon nevbənevəti dəlili xoto de”rovzə” yəni bostani nomi ğeyd bıə…..
Kafi kitobi nıvıştə Şeyx Kuleyni İmom Həsən Əskəri(ə) zəmoni ibaxşi iyən çoqlə nayibon devronış dərk kardə və bə Əhli-Beyt(ə)-I zəmoni nez bıey xoto,kardeyış zınə ki,vositə kam bıə holədə rəvoyəton nəğlko. joqo ki,Kafi rəvoyəton I baxş fəğət de seqlə vositə nəğl bıə və çı ın kitobi mehtəvo iyən məzmuniro qıləy zumandə noxtə bə hisob omeydə.bın kitobədə hədison de kırtə unvani çəy mehtəvo har baxşədə məlum kardedə.həmçinin bə rəvoyəti dast nıjənə holədə və çı musənnifi şərhonku komilən cokardə surətədə əvonış cəmış kardə.Şeyx Kuleyni bın kitobədə səyış kardə həmməysə səhih iyən ruşinə hədison iminə babədə ğərol bıdo və peşo mubhəm iyən icmoli hədisonış zikrko.Kafi kitobi imtiyoznku qıləyni ıme ki, Kuleyni hədison silsilə sənədonış de tobə imomi har qıləy hədisədə nəğlış kardə…..
Kuleyni cəhd kardedəbe ta Əlkafi hədison de Kərimə-Ğıroni mıxolifət nıkarə holədə cəm bıə ki,şiyə alimon idastə çəy rəvoyəton qırd səhihəti ğəbul kardedən və iqrup şiyə alimon həm kafiyədə kali hədison zəyifəti ğəbul kardedən.
