Ilahi Rəhbəron-30

Ilahi Rəhbəron-30

İslomi zuhur Nəbiyyi-Əkrəmi(s) mıcohidəton şua jiyədə bəşəri torıxədə qıləy nuyə səyfəş oj karde ki,de behisobə noiliyyəton ısətnə mədəiyyəti har tərəfinə inkişofış bo bəşəriyyəti bə ərməğon vardeşe.ilahi dini noliyyəton həmməysə kamə qıləyni ,hevujə surətədə handey,nıvıştey və islomi dınyo həmmə vırədə elmi pevolo be.çən,sıftədə ın elm bə İspaniyə,İtalyə,Almaniyə və bə Avopə sayir vırə və məmləkəton,çəyo həm bə dınyo co həmmə noxtəon pevolo be.joqo ki, votey bəbe ım osmoniyə elmi mənbə bıə nıəbe,bənə ğədimə Rum,Misr iyən İroni bə ısətnə sivilizasiyə qıləy ro pəydu kardey nıəzıni.

Fransəvıjə məşhurə torıxəvon Qustav Lobon ıştə “İslom iyən ərəbi təmədduni” kitobədə jıqo nıvşteydə:”şək ni ki,islomi siyosi iyən iştimoyi nufuz,benəhoyət və ziyodə muhimme....har qıləy şəhrədə ki,İslomi pərçəm əyo rost kardey bıə,təməddun iyən mədəniyyət həm deştə həddiku ziyodə dəvəşey əyo təcəlliş pəydu kardə”.(s-142-43).....

Fransəvıjə məşhurə astronom və riyozidon həm nıvışteydə:”harçənd əmə bə osmoniyə dinon etığoımon ni,əmmo həzrət Muhəmməd(s)-i ayin iyən təlimon bo bəşəri jimoni dıqlə sosyal nımunəy.binobərin etırof kardedəmon ki,çəy dini zuhur və çəy ağılmandə hukmon vey yol və erjine və bə həmonə cəhəti xoto,həzrət Muhəmməd(s)-i təlimon ğəbul kardeyku be ehtiyoc nimon”. ...

İslomi din de oxonə iyən komilə dini nomi Xıdovəndi tərəfiku deçəy əzizə peyğombər həzrəte Muhəmməd Mustəfo (s)-i vositə bo bəşəri hərəbaxtəti və hidoyəti xoto vardey bıə.qıləy din ki,navkonə dəvardə pəyğombəron çəy omey barədə bəşorət doəşon be.Kərimə-Ğıron ki,İslomi Peyğombəri(s) əbədiyə mecuzəy,hamyedə:dəvardə peyğombəron islomi peyğombəri zuhuru mıjdəvonişon doəşon be və hətto əhle-kitob islomi peyğombəri zuhuri intizorədə bin və ə həzrəti omey çəş kardedəbin.məxsusən həzrət İsəbni Məryəmi(ə) zıvoniku nəğl kardedə ki,ə həzrəti bə islomi peyğombəri zuhuri bəşorətış doə be və çə həzrəti nom həm Əhməd elon bıə....

İslomi dini hevujə surətədə pevolo bıey coqlə muhimmə imtiyozonku qıləyni həm,çəy de surəti bə ğəlbon nufuz kardey iyən mısılmınon miyono bıvəti iyən ibemoni icod kardey bıe.islomi hədəf bəşəri camiyə miyono insoni xoşbəxtəti,ədolət iyən ozodəti icod kardey bıə.bo ın hədəfon real kardey cəhətədə de peyğombər(s)-i ozoditələbəkə iyən sulhamizə hərəkəti,dini islom vey rə ozavziye və pevolo be.həzrəte Rəsule-Əkrəm(s) de insoni kəroməti nomi bə ozodi bıə ehtırom, çə həzrəti bemisl iyən dəvəşə şəxsiyyəti həxədə siyrə nıvıştə alimon ziyodə kitobonədə vazeh və oşkoye.Əlhəsəni ıştə siyrə kitobədə jıqo nıvışteydə:”peyğombər(s) hiçvaxti hiç qıləy zəmonədə hiçkəsış boştə dini vadoey xoto məcburış nıkarde”.Əllamə Şeyx Muhəmməd Huseyn Kaşiful-Ğıta bın barədə nıvıştedə:”peyğombər(s) de əkəson canqış karde ki,ıştə ıhdışon darıştəbe və ya de ə həzrəti tohidi pevolo kardey koyədə mıborizə bardedəbin.əsosən ım canqon de islomi ikroh və məcburi məsələ hiç qıləy rabitəş nıbe”.......

Peyğombəre-Əzimi(s) insoni kəroməton ətrofədə bıə əndişə ....bıə çiyon  həmməkəson nəzə cəlb kardedə,liza  bə ın əsos həzrəti hamyəşe ki,ğəflət,xudbini iyən şehrət və şəhəvatədə ğərğ bıey və maddiyyati dılədə tasey,bə insoni kəroməton muhimmə zərəlon jeydə ki,inson bəpe ıştə kəromət və şərofəti oqətey cəhətədə mığət bıbu.Pəsuli-Giromi(s) hamyedə: ”Xıdovəndi nəzdədə hiççi bəsə insonisə vey giromi ni. peyğombər(s)-iku dəparseşone?hətto firiştə və mələkon həm?həzrəti hamyeşe:bəle,çun mələkon bənə həşi iyən ovşımi məcburin,əmmo inson muxtar ofəyə bıə”.....