Ilahi Rəhbəron-40

Ilahi Rəhbəron-40

Nəhoyətən qıləy istisnoə ruji Cəbrəyil(ə) bə Xıdo-Rəsul(s)-I nozil be və ərzış karde:”Yolə Xıdovənd bətı səlom vığandedə və hamyedə:”çıl şəvı-ruj çı Xədicəku bə kəno bımand və de ibodət iyən bəşəvnəy razo-niyozi koy məşğul bıbi”.peyğombər(s) bə ilahi fərmoni itoətış karde və Xıdovəndi əmrış bə vırə rosne.çoko ki,çıl ruj jıləvoni bə oxo rəse,firiştə nozil be,vəhıştiku qıləy xorəkış varde və ərzış karde:ımşəv çın vəhışti xorəkiku meyl bıkə,bəhə.Xıdo-Rəsul(s) bə ın osmoniyə mayidə və sufrə şukrış karde və de nımoj iyən ibodəti koy məşğul be.Cəbrəyil ijən nozil be və voteşe:”bə Xədicə kəy səmt hərəkətkə!zira,Xıdovəndi irodəş kardə ki,ıştı sulbiku qıləy pokə fərzənd ofəyo və xəlğko”….

Həzrəte Xədicə(ə) ıştə dıconi iyən hamilə bıə zəmonədə,ilahi firiştə və mələk bo bə peyğombər(s) iyən Xədicə(ə) bəşorət və mıjdəvoni doey xoto,nozil be və voteşe:Ha Xıdo-Rəsul ha! Xədicə rəhmədə bıə fərzənd qıləy mehtərəmə kinəy ki,ıştı nəsl deçəy vositə dəvom pəydu bəkarde.əv çı dini rəhbər iyən imomon inəy ki, bətı vəhy orəxey bədiqə ıştı canişinon bəbeyn. peyğombər(s) çı pərvərdıqori bəşorət və mıjdəvoniş bə həzrəte Xədicəş rosne və de ım osmoniyə xəbə çə həzrəti dılış şo karde….

Bə ilahi və`dəon mıtobiğ və həzrəte Zəhroye-Əthor(s) vilodəti zəmonədə bə mıtovotirə ğovlon əsos Cəmadiyul-Sani 20-ə ruji besəti pencminə sori vəhışti firiştə və huriyon  və osmoniyə jenon çı həzrəte Xədicə  yonqu palu omin və fatimə(s) həmonə nıbuvvəti osmoni dəvəşə astovə bə dınyo ərsə poş noe və de viloyəti vavriski doə nuri çı aləmi şərğ iyən ğərbış ruşin karde. peyğombər(s) ıştə əzizə  fərzəndi nomış  Fatimə(s) noşe ki,çəy məno bırniyə iyən co bıəye ta tıbğe nəbəvi hədison Fatimə(s) piyə kəson iyən tərəfdoron bəçəy xoto çı cəhəndımi otəşiku co bəbeyn və bə kəno bəmandeyn…

Çoko ki,vəynə bərnoməonədə votemone ki,Xıdo-Rəsul(s) de ilahi fərmoni ıştə besəti bino kardeyku  Ğureyşi yolon və Məkkə əyon-əşrafon ki,ıştə mənafe iyən mevğıyyətışon təhlukədə vinde,bıə peyğombər(s) ələyh ıştə məkrinə plan və hərəkətonışon bino karde və ıştə dasto omə har qıləy koşon bə vırə rosne.çanədə zəmon dəvardedəbe əvon ıştə təhdid iyən xusuməton həm ziyod kardedəbin.hakəs bə Xıdo-Rəsul(s) imon vardedəbe,bəvon veyə işkəncə əzob-əziyyəton doydəbin.əmmo çəvon qırd ım işkəncə və deşmonə hərəkəton bə bıə ğoymə imoni soyb bıə mısılmınon imoni hiç qıləy təsir noydənıbe,bəlkəm har ləzə və an islomi ziyod bıə nufuz  pevolo beydəbe.nəticədə əvon bə ın ğərol omin ki,Xıdo-Rəsuli(s) bə ğətl bırosnon.Əbu Tolıb ki,qırd zəminə iyən ərsəonədə de ğudrəti peyğombərış(s) mıdofiyə karde və.əv çoko ki,çı Ğureyşi mışrikə yolon hiylə və məkrinə planonku aqah be,islomi əzizə peyğombər9s) iyən mısılmononış xəbədo karde və demiyən de Əbu-Tolıb(ə)-I diroyət və mudrikəti çın çırkinə plani vəş qəte. əmmo,Ğureyşi yolon ijən ıştə xusumət və deşmınətiyonku  dastışon nəkəşe və əvon mısılmınonışon Əbi-Tolıbi şiybi nomədə bıə qıləy dədə se sori mıddətədə  bə ixtisodi mıhosirə vardeşone və de əvon harcurnə bıdə-bıstən iyən muomiləşon ğədəğən karde…..

Jıqo qıləy tov vardənin iyən saxtə şəraiyətədə Zəhroye-Əthar(s) qıləy şıtəhə tifl be ki,ıştə buzurquvarə inə həzrəte Xədicə(s)  ağuş və dovnədə perəseydəbe.çın se sori mıdddətədə ə həzrət ruşdış pəydu karde və ozavziye.qıləy holədəki,ə həzrət çı neziku çı mısılmınon bə rujonədə bıə əzob-əziyyəton şoyd be və jıqo bızın ilahi təğdır ım be ki,ə həzrət hejo ıştə hırdənəti zəmoniku de məşəğğət iyən əziyyəti yol bıbu ta bo jimoni etat-petaton tov vardey xoto hozzı bıbu. nəhoyətən,ixtisodi mıhosirə bə peyğombər(s) iyən muminon hiç qıləy təsir nınoə holədə,bə oxo rəse.əmmo hələ çandə zəmon dəvardənıbe ki,islomi ım fədokorə banu  yəni həzrəte Xədicə(s)  bə həxı dəvəti ləbbeykış vote və ıştə conış bə con ofəyə Xıdo təslimış karde və bə həzrəte Zəhro(s) pokə çehrə çı yətiməti xok nışte.

Səhih həmonə de təəssıfi pur bıə və ğəmənqizə ləzonədə ki,Əbu-Tolıb həm həxı dəvətış ğəbul karde və qıləy vey həssosə zəmonədə Xıdo-Rəsulış(s) coyli haşte.ım dıqlə bə xoş nıomə hodisə jıqo bə peyğombəri(s) bevəcış təsir karde tayinki,ə həzrəti həmonə sorış “ammul-huzn” ya çı huzn iyən ğəmi sorış elon karde.Məkkə mışrikon həm çın fırsətiku okoşon doe və çanədə zuşon vışkiye bə ə həzrəti əzob-əziyyətışon karde.nəhoyətən çı Məkkə mışrikon iyən bıtpərəston qırd ım təzyiğ iyən təhdidon bəvrə rəse ki,Xıdo-Rəsul(s) bə ğərol ome ki,bə Mədinə hicrətko.çın zəmoniku qıləy nuyə devrə çı həzrəte Fatimə(s) jimonədə bino be….