İlahi əsma

İlahi əsma

Vəhhab ilahi coqlə nomonku qıləyniye ki,çı Xıdovəndi benəhoyətə lutf iyən rəhmətiku hikoyət kardedə. Vəhhab veyəbaxşi mənoədəy  və bə kəsi Vəhhab votedən ki,hiç qıləy ğəsd,ğərəz iyən tələb nıbə holədə baxş və əto kardedə.Xıdovənd Vəhhab yəni qıləy səxovətine ki,çəy kərəm və baxşeş qırd hestemoni aləmış dəqətə.çəy baxşeşon bə qırd məxloğati şomil beydə və çəy neməton  bə qırd ofəyə bıə məxloğati ısət çı mumin bıbu ya kofir.dınyo mılk iyən mələkuti xəzinə Vəhhabə Xıdovəndi dastədəy və çəy neməton veyni millət nızınə və hətto bəçəvon xəyoli nıvoə holədə və çəvonku hiç qıləy şukr və təşəkkur tələb nıbə formədə bəvon doey və əto kardey beydə....

Kərimə-Ğıronədə se kərə Vəhhabi nomi işorə bıə.Ali-İmrani mıborəkə surə 8-ə şərifə ayədə həzrəte Zəkəriyya(ə) bə Xıdovənde-Xalıği de Vəhhabi nomi xitob kardedə.həzrəte Zəkəriyya(ə) vey dılış hestebe ki,qıləy fərzəndış bıbu ta çəy nom iyən yodi çəy bədiqə bəyji oqəto və milləti bə Xıdo səmt dəvəti iftixor bəy həm nəsib bıbu.zımıstoni rujonku qıləyniyədə Zəkəriyya(ə) çəy ğəyyuməti jiyədə bıə bə İmrani kinə Məryəm(ə)-i otağ daxil be və vindeşe ki,əyo çandə nev zımıston iyən tıvostoni fəslədə perəsə miyvə və xorəkon mevcude.həzrəte Zəkəriyya(ə) de nevbənev tıvostoni miyvə və ləl-qılon mışohidə kardey,vey təəccıbış karde və dəparseşe:ha Məryəm ha!ımon həmmə çı koncoye? Məryəm(ə)-i voteşe:Xıdovəndi nəzdiku! həyğətən ki,Xıdovənd bə hakəsi harçi bıpyişe,behisob bəbaxşe.bın zəmon be ki,Zəkəriyya(ə) dılış arşiye və və ıştə dastonış bo dıvoro bə həvo rostış karde və ərzış karde:”Rəbbi həbli..... Xıdolim ha!ıştə tərəfiku bəmı qıləy pok iyən bəə xoşomə nəsl ətokə ki,həyğətən tı dıvon əməsiş!(Ali-İmran-38) həmonə holədə Xıdo məlayikon Xıdovəndi səmtiku boəy qıləy mıjdəvoni vardə holədə çəy palu omin və voteşone:”Ha Zəkəriyya!Xıdovənd bətı qıləy saleh iyən çokə ko soyb bıə fərzənd əto bəkarde”. Həzrəte  Zəkəriyya(ə) bəy qırd ım veyə neməton əto kardə Vəhhabə Xıdo ın mıjdəvoni məseybədiqə,bə səjdə eqıniye......

Xıdo-Rəsul(s) hmayedə:”Mutəalə Xıdo 99 qılə nomış heste.hakəs bəvon nisbətədə qıləy mərıfət iyən zıneyış bıbu,bə vəhışt daxil bəbe.çoko ki,vəynə proqramonədə həmvotemone ki,çın ilahi əsma və nomon handeyku hədəf və məğsəd,de həmonə ilahi əsma və sıfəton təxəlluğ kardey iyən insoni ıştəni dərosteye. təxəlluğ yəni çı ikəsi əxloği ğəbul kardey və ıştəni bənə çəy əxloği bardey və bənə əy bıeye.binobərin ehanə Xıdovənd Vəhhabe və bəçəy yod,əvəz iyən ğərəzi xoto ni və ikəs həm dılış heste de ın ismi vositə bə Xıdo nez beıeyış piye,bəpe Xıdovəndi bəy əto kardə neməton  bənə Vəhhabə Xıdo çəy ehtiyocinə bandəon ixtiyorədə ğərol doydə ta Vəhhabi sıfət bəy şomil bıbu.həlbəttə,bəpe bə ın nuktə dığğət kardey bıbu ki,ikəs ki,qıləy çi baxşedə,sıftədə bəpe çəy həyğiyə soybış bıbu.saniyən çı əvəz sıey dumo nıbu. binobərin vahib iyən həyğiyə əbaxş fəğət Xıdoye.Xıdovəndi əto kardə həmməysə yolə nemətonku qıləyni risolət,nıbuvvət iyən imoməti məğame.çoko ki,Sadi mıborəkə surə 9-ə şərifə ayədə  omə:”Əm indəhum..... aya Zumand və Veyəbaxşə Xıdo rəhməti xəzinəon  çın milləti nəzdədəy(ta çı risoləti məğami bə har ki ki,Xıdo bıpyişe bıbaxşo)”.mulk iyən mələkuti xəzinəon fəğət çı Xıdo ixtiyorədəy və əv veyçok zıneydə ki,ıştə risolət iyən imoməti kom şəxsədə ğərol bıdo və kom kəsi bəştə məxsusə rəhməti şomilko. bə ın ayə əsos,Xıdovənd həm rəbbe yəni dınyo iyən hestemoni aləmi pərvərdıqor iyən idorəəkəy,ikəsi boştə risoləti vıjniyedə ki,bə milləti təkamul iyən tərbiyə royədə rəhbərəti kardey bızıno və Xıdovənd Əzize yəni bə hiçkəsi tələbon məğlub nibəbe ta risoləti məğami bə qıləy noloyığə fərdi ehdə bıno. umumən nıbuvvəti məğam bənə elm,təğva,ismət,şucoət iyən şəhoməti nemətonku iborət qıləy məcmuəy.liza fəğət Xıdoye ki,bəştə Vəhhabəti sıfəti xoto,harçi bıpyişe və bə harkəsi ki,məsləhət bızıno bəbaxşe.....