Təkfiri cərəyonon

Təkfiri cərəyonon

Torıxi və məzhəbi məkonon şəxsiyyəti zəminədə  bo mısılmınon miyono bıə rabitə bərğərol kardeyədə ziyodə təsirış heste və əvon həmmə torıxi zəminəonədə bə iyande mıttəsil beydən və dəçıkıdən.islomi hoviyyət və şəxsiyyəti məzhər və simvolonku qıləyni islomi binaonin ki,təkfiri dastəon bəştə ğeyri-rohət və hoziyə nəzəon əsos çı mısılmınon əslə təlimon çı şırki məzhər hisob kardedən və əvoni təxrib kardedən.əvon hiçnıbu 150 qılə ziyorotqo çoqlə kişvərədə yəni İrağ,Suriyə,Tunis iyən Liviyədə təxrib və xərob kardeşone.ımon bə məçiton,ğəbıstonon iyən co məzhəbi məkonon şomil beydə.yəni əvon çı islomi sıftədə bıə şəxsiyyəton,imomzodəon və co elmi iyən dini şəxsiyyəton məzor iyən ğəbon bın çoqlə ərəbi və islomi kişvərədə xərob kardedən.seqlə Suriyə,Tunis iyən Liviyədə ziyorətqohon xərob kardey proses bın kişvəronədə daxili canqon bino bıey bədiqə bə əməl ome.əmmo,İraği kişvərədə ziyorəton təxrib kardey ko,milodi 2004-ə sori de Amerkə vositə çın kişvəri BƏƏS rejimi suğuti bədiqə bino be.

Çın kişvəri şimoli ostanon həm 2014-ə sori de DAİŞ terroristə qrupon vositə işğal kardey bədiqə,əmə bə islomi əsəron və ziyoorətohon təxrib kardey nuyə ləpə şoyd bimon.DAİŞ terroristə qrupon  bo ım mməzhəbi məkonon təxrib və volo kardey xoto,”ğəbon və zərihon təmiz kardey” nomo qıləy batalyonışon təşkil doe.çın batalyoni 300 qılə uzv  İraği Neynəva ostani mərkəz Mosuli şəhir işğal kardey bədiqə de qonə texnikaonku oko doey  de Suriyə iyən İraği məzhəbi iyən torıxi məkonon təxribi koy məşğul bin.əvon bənə həzrəte Yunis,Cərcis iyən Şeys(ə) bıə peyğombəron təbərrıkinə ğəbnışon vırto-volo kardeşone.həzrəte Yunis(ə)-i məğbərə çı Bəğdadi 375 kilometriyədə vağe bıə və çəy torıx bə Hicri-Ğəməri 138-ə sori oqardedə. DAİŞ terroristə qrupon de 30 ton bombə və tıpemoni maddəonku oko doey  “Bil” məşhurə məbədışon ki,2000 sornə Palimeyra məbədi həmməysə yolə qıləyniye və Yuneskoyədə dınyo irson listədə de həmməysə  muhimmə bina nomi ğeyd bıə,əvon ımışon tıpıne və de şiddəti bəy zərəl rosneşone. ..

Əvon həmçinin tıbğe videon ki,sosyal şəbəkəonədə pevolo bıə,bə İraği Mosul şəhri həmlə kardey vositə çın şəhri antik iyən torıxi mıcəssəməon iyən əsəronış həmmə təxrib kardeşone. DAİŞ terroristə qrupon həmçinin Nəmrud torıxi şəhri kanə əsəronış ki,bənə Assuriyon sivilzasiyə anqıştə çəşi nomi ğeyd beydə, de qonə buldızıron iyən tıpemopni vositəon roy xərob kardeşone.məzhəbi və mədəni məkonon və əsəron təxrib kardey fəğət bə torıxi binon xərob kardey ni,bəlkəm ım təxribon çı mısılmınon torıxi mədəniyyət və şəxsiyyəti təxrib kardey cəhətədəy.çın təkfiri iyən terroristə dastəon hərəkəton komilə surətədə ğərbədə islomi dşmınon hədəfon cəhətədəy və ımon çı mısılmınon torıxi iyən mədəni hoviyyət və şəxsiyyəton məhf iyəb xərob kardeydən.şəxsiyyəti mədəniyyəti təsirinə amilonku qıləyni ki,bə nəslon miyono ğoyməti bə yod vardey boyis beydə,torıxi mədəniyyəte ki,de mədəni şəxsiyyəti rabitəş bərğərol kardə.çun ki,mədəni şəxsiyyət qıləy transzəmon iyən tarnszəmini hoviyyət və şəxsiyyəte ki,milləton iyən mıxtəlifə fərhənqon ıştədə vırəş doə,torıxi məkonon çın hoviyyət və şəxiyyəti zumandətiyədə qıləy dıjdə zərfiyyətış heste.çımisə əlovə ın torıxi məkonon muhimme və har qıləy fərd əyo bıə huzr və iştiroki bədiqə,ıştəni de həmonə torıxi bə ico vindedə və çın cəhəto ıştəni bə əsl,ğədim iyən dinamikə mədəniyyəti anqıl jeydə.qıləy təmıddun iyən sivilzasiyə ki,ısət həm ıştəni bəvədə mışohidə kardedə.əv məkan və hodisəon mışohidə kardedə ki,dini hoviyyət və şəxsiyyəti rəğ-rişə ımruj əy soxtedə.qıləy rişə və bina ki,həmmə mısılmınon ıştəni əyo i və yeksan zıneydən və ıştəni bəy ayid hisob kardedən.məxsusən ki,ın məkonon qahi zəmon bənə Xıdo-Rəsul(s) Əhli-Beyti(ə) iyən çəvon tərədoron bıə dindorəti yolə ulquon bə yod dənoydə ki,dini şəxsiyyəti əsl iyən nığılə binovırə,bəşəri mədəniyyəti zəminəədə nışon doydə.....

Bın zəminədə bə Ərəbıstonədə bə təbərrıkinə məkonon  və Həcci mərosimədə mısılmınon dıjdə qırdbemoni işorə kardey bəbe.bənə vəhyi sərzəmini bıə islomi torıxə məkononədə iştirok kardey və mığəddəsə məkonon mışohidə kardey,çı hociyon de islomi mədəniyyəti rişəon oşno bıey zəminə hozzı kardedə və əv demiyən ıştə dini mədəniyyəti  və torıxi rişəonku xəbədo beydə.

Torıxi fakton çı dini şəxsiyyət və hoviyyəti bə formə dəşeyədə çı məzhəbi mərosimon təsiriku hikoyət kardedə.çoko ki,peyğombəri(s) nəvəonku iyən çı şiəyon çominərəhbər bıə İmom Səccod(ə) bəştə əshobonku qıləyni Şibli votedə:”fəhiinə.....yəni aya qıləy vəxt ki,İbreymi məğami peştono dı rıxət Təvafi nımoj hande və vote,aya tı ğəsdı karde bənə ibreymi nımoj bıvotoş?votey bəbe ki,İmom Səccod(ə) Şibli   bə tohidi mədəniyyəti səmt roy nışon doydə.İmom Səccod(ə) de İbreymi(ə) məğami bə yod dənoey və de İbreymi(ə) vositə xəlğ bıə erjon dığəət kardey zəruriyyət ki,tohidi dinon silsiləon sə və sıftəy,həcci mədəniyyəti dəvardə soron bəy nışon doydə və de ın koy vositə əv ıştə mədəni şəxsiyyəti iyən əy zumand kardey koy çok zıneydə.