Təkfiri cərəyonon

Təkfiri cərəyonon

Kərimə-Ğıroni məntığ ıme ki,inson ıştə fik iyən zehni ıştə haruj vində jimon iyən bəştə ətrofədə bıə çiyon məhdud nıko,bəlkəm bəpe ıştə vindey ufuği hevujko və coqlə ğovmon tale və sərnıvştədə de ağılmandəti təfəkkurko.torıx İslomi nəzəku ıştən çı zıney iyən mərıfəti mənbəonku qıləyniye.zira,de navkonə ğovmon əsəron mışohidə kardey və dəvardə hodisəon həxədə analiz kardey və əy omutey,ayəndə və vəomə roy tərsim kardey bəbe.Ğıroni insononku zəmini dimisə seyr kardey  və bə dəvardə ğovmon tale nəzə kardey şərt ıme ki,bəpe ım əsəron baği bımando və çı insoni dast bəy bırəs ta əv çəvonku ibrəti dərsi peqətey bızıno.bə Ğıroni ım məntıği əsos dəvardə ğovmon erjinə əsəron bo  ısətnə və ayəndə nəsli  oqətey qıləy zəruriyə koye.liza de təkfiri terroriston vositə antik binon iyən navnə milləton mədəniyyət və əsəron viron kardey ,boçəvon çı islomi dini təlimonku bexəbəti qıləy sənəd bə hisob omeydə. Kərimə-Ğıronədə Yunisi mıborəkə surə 90-92-ə şərifə ayədə çı fironi de həzrəte Mosə(ə) iyən Bəni-İsrayili bıə canqi oxonə mərhələ  izoh doydə.bın ayəonədə omə ki,firon iyən çəy ləşkər Bəni-İsrayli təğib kardedəbin ta oxoyədə bə dıyo omin rəsin.Bəni-İsrayl çı dıyoku dəvardedən və nicot pəydu kardedən.fironıjon həm çəvon dumo bə ovi dılə daxil beydən.ğəflətən qıləy sanqinə ov əvonış har tərəfiku dəqəteşe.əmmo,fironi macəra dəvomədə Yunisi mıborəkə surə 90-92-ə şərifə ayədə jıqo omə:”fəlyəvmə.....çən,ımruj ıştı bədəmi (oviku)nicot bədomon ta bo ıştı dumo oməkəson qıləy ibrət bıbu.beşək milləti veyni  çəmə ayəon(və nışonəonku) ğafilin”.fironi beconə bədəmışon oviku pəydu kardeşone,əvışon mumiya kardeşone və ısət həm əy muzəyədə oqəteydən.Xıdovənd bın ayədə bə fironi xitob kardedə və hamyedə ki,əmə ıştı bədənımon oviku nicot domone ta bo omə nəsli qıləy ibrət iyən nışonə bıbu,bın mənoədəy ki,çəy bədəm bəpe oqətey bıbu ta ayəndə nəsl əy mışohidəkon və qıləy diktator iyən xunpeşomə kəs bıə  fironi sərquzəştiku ibrət peqəton.əgər DaiŞ terroristə dastəon bə fironi mumiyə cəsədi həm dast pəydukon,əy həm  de şırki məzhəri bəhonə de bombə ətıpnin.qıləy holədə ki,bə Yunisi mıborəkə surə 92-ə şərifə ayə əsos  Xıdovəndi irodə ım bıə ki,fironi bədəm oviku nicot pəyduko və vəomə nəslon çəyku ibrəti dərsi peqəton.çən,əvoni nığo doey iyən oqətey qıləy zəruriyə koye.....

Həzrəte Muhəmmədi(s) siyrə və şıə royədə bənə ğəsron,ğaləon və binaon bıə torıxi əsəron iyən bənə senaqoq iyən kilsəon bıə osmoniyə dinon dini əsər və binaon təxrib kardey mevcud ni.peyğombəre-əkrəm(s) bənə Yəməni butxonəon bıə kali vıron təxrib kardey əmrış nıdoe.zira,həmonə məkanon əyo jiyə əhali nəzəku ıştə mığəddəsətiş çı dastoş doəbe və əvrə həni çı bıtpərəston və mışrikon cəm bıə iyən iştirok kardə məkan nıbe.qahi vaxti bə təkfiri dastəon nəzə kardeyədə nışon doydə ki,əvon bə məkanon həmlə iyən əvrəşon xərob kardə ki,həmonə məkonon çandə həzo sor be ıştə dini cəhətonış çı dasto doə və çı bəşəri yadiqorobku bə hisob omeydəbe.peyğombəri(s)  jıqo vıronədə təxrib kardey fərmon bəştə zəmonədə rəvoc pəydu kardə bıtpərəsti fərhənqi simvolon məhdud be.Səmud ğovmi kəbəon de tosə ısətnə zəmoni baği mandey,nışon doydə ki,peyğombəri(s) çın navkonə mədəniyyəton əsəron çı miyoniku bardey dumo nıbe və Kərimə-Ğıronədə həm insononku tələb və dəvət bıə ki,çəvon barədə fik-fam iyən təfəkkurko və qıləy ibrəti dərs bıqəton.çın mevzu barədə rəvoyətonku qıləyni çı peyğombəre-əkrəmi(s) ıştə yaro-yavə iyən əshobon bo jıqo məkononku ibrət peqətey dəvətiku xəbə doydə.qıləy zəmon  peyğombəri(s) Hicri-Ğəməri daminə sori Təbuki ğəzvə royədə bə Həcəri məntəğə rəsin ki,əyo çı Səmud ğovmi əsəron ğərolış qətəbe,bə həmonə məntəğə diyəş karde və bəştə əshobiş hamye:bəştə zılm kardə kəson kəon daxil məbənən illah ki,bəmə holədə bıbənən.yəni bəme-bəme dəşənən bəçəvon jimon kardə kəon.bın rəvoyətədə Nəbəvi sınnət və siyərədə çı bıtpərəston mədəniyyəton xərob kardey barədə hiç qıləy xəbə mevcud ni......

DAİŞ iyən deəvon həmfik bıə co təkfiri qrupon təxrib kardə məkononku qıləyni ğəbıston iyən məzoronin. ım qıləy holədəy ki,əhlı-sınnəti kitob iyən mənbəonədə əhli-ğuburu ziyorət kardey mıstəhəb bıey barədə ziyodə hədison omə və mevcude.ziyorətqohonədə huzur pəydu kardey iyən torıx ofəyə və məşhurə şəxson ğəbon ziyorət kardey,çəvon nomon zehnonədə bəyji kardedə və insoni bə dırıstəti,ədolət tələbəti iyən bə mənəvi kəmolaton səmt sovğ doydə.de ın ğəbon mışohidə kardey insoni zehni bə jimoni oxo iyən axırəti səfə dəğandedə.çoko ki,İbn Macə Sunənədə peyğombəre-əkrəmiku(s) nəğl bıə:”Zuurul ğubur fəinnəha tuzəkkirukumul axirə.ğəbon ziyorətkənən ki,axırəti bəşmə yod dənoydə”.de ın tərtibi peyğombəri(s) bə ğəbon ziyorət kardey bıə tevsiyə ki,bo insoni veyə təsirış heste,de bənə DAİŞ təkfiri iyən terroristə dastəon təxrib kardə çiyon ziddiyyət təşkil doydə.