Təkfiri cərəyanon

Təkfiri cərəyanon

Islomi zuhuri zəmonədə nokəçəti qıləy mırəkkəbə koye ki,həmonə ruji çəy həmmə baxşon ısət çı fərhənqi,ixtisodi,iştimoyi rabitəon və bə milləti jimon iyən məişəti ayid bıə sayir koon bəştə təsiri ji vardedə.liza deəy mıborizə bardey həm muşkil nıbe və həmən bə qıləy kifoyətəkə zəmoni ehtiyociş hestebe.bə həmonə dəlili xoto,islom tədrici iyən dırozmıddətinə mıborizə roy və şivəş vıjniye.çı islomi məsələ həlli roy ım be ki,de iştimoyi iyən ixtisodi mexanizmi əvəz kardey,bəpe nokəçəti çı miyoniku şıənin be.peşonə mərhələdə sosyal iyən ixtisodi rabitəon miyoniku bardey bədiqə əy ğədəğən elonko və çəy oqardemoni icozə nıdo.çoko ki,torıx həm jıləvoni bıə.bə torıxi şoydəti əsos,de nokəçəti mıborizədə islomi siyosət iyən strateqiyaon çokə bəhrəşon doe.nəticədə nokəçəti islomi milləton miyono bəsə coqlə millətonsə veyrə mənsux be və çı miyoniku şe.Xıdo oxonə peyğombər həzrəte Muhəmməd(s) de çandə qılə ğanunon bekardey,bo nokəçəti ləğv kardero qıləy hevujə səyonış karde.peyğombəri(s) plan ımbe ki, tədrici çı nokəon ozodəti zəminə  hozzıko ta əvon bənə co addi odəmon iştimoyi nizomədə cəzb bıbu.bın cəhətədə həzrəte Muhəmməd(s) bo nokəon ozdətiro çı təşviği siyosətonku okoş doe.ə buzurquvar milləti təşviğ kardedəbe ki,nokəon çəvon soybonku bıhıriyon,çən peşo əvoni ozodkon.çın koy hədəfonku qıləyni ımbe ki,tədricən camiyədə çı nokəon mığdor şeş-şe kam beydəbe və iştimoyi iyən ixtisodi nizom çı nokəçəti nizmomiku ozod be.peyğombər(s) canqon qıləyniyədə elonış karde ki,har qıləy əsir bə daqlə mısılmoni elm və səvod omuto,ozod bəbe.bo kali qınon min cumlə çı ğəsdo nıbə ğətl və duyə ğəssəm, nokəon ozodətiş de kəfforə nomi ğanun be.həmçinin Xıdo royədə bandəon və nokəon ozod kardey, islomədə vey muhimmə ibodət iyən əməlonku qıləyni bə hisob omeydə.dayima islomi rəhbəron bın erjin iyən insoni koyədə navəjən iyən vədə şıə kəsonku bin ta yinki,həzrəte Əmirəl-Muminin Əliku(ə) nəğl bıə ki,ə həzrət deştə dasti renc iyən əziyyəti çandə həzo nokəş ozod karde.ım siyosəti təğib kardey,boyis be ki,qıləy kırtə mıddətədə ziyodə nokəon ozod kardey be.islomi nəzəku ım hərəkət bo nokəçəti çı miyoniku bardero qıləy mığəddimə be.

Islomi zuhuri bənav bo insonon nokə kardero mıxtəlifə roon mevcud be.əmmo,islom çəvon veyniş ğədəğənış karde.islomi nəzəku de mıslmınon bə ico sulhamizə jimon dəvordınə kofiron nokə kardey, beşək ğəbul bıənin ni iyən məhkume.Mumtəhinə mıborəkə surə 8-ə şərifə ayədə ın nuktə ruşin kardedə. joqo ki,hamyedə:”Xıdo şıməni şımə dini koyədə deşmə canq nıkardə və şımə kə və diyoronku şıməni xaric nıkardə kəson nisbətədə bıə çokəti kardey iyən ədolətiku oqəteydəni”.demiyən  Kərimə-Ğıron de coqlə dini tərəfdoron sulhamizə jimon kardey tevsiyə kardedə və çı mısılmınonku tələb kardedə ki,de ğeyri-mısılmınon çok və mehtərəmə rəftorışon bıbu.boçımi əsos,DAİŞ terroristə dastə unsuron bə dini kamə  uzvon ələyh bıə hərəkəton min cumlə çəvon bə İzədiyon zidd kardə əməlon yəni çəvon merdon kıştey,çəvon jenon boştə kəniz peqətey və əvoni həvatey,oşkoə formadə de Kərimə-Ğıroni təlimon mıxolife.tıbğe ın ayə de mısılmınon canq nıkardə və muharibə vəzyətədə nıbə kəson canq krdey nibəbe.həmçinin əvoni bə ğətl rosney nibəbe və ya əvoni bənə nokə əsir kardey həm nibəbe.DAİŞ-i əsir kardə və bəvon əzob-əziyyət kardə dini kamə cəmyəton,ə jenon iyən kinon bin ki,ıştə kə-bəonədə jimon kardedəbin və ya çəvon bə ğətl rosnə merdon ə kəson bin ki,deştə harujnə jimoni və deştə ko iyən istehsoli koy məşğul bin.ğəflətən,ım terroritə dastəon bəçəvon şəhr və diyoron həmləşon karde və çəvon çı naviku hiç qıləy hərbi hozzıətişon nıbe.DAİŞ terroristə dastə uzvon əvonışon çəvon kə-bəonku ixrac kardeşone və bə ğətl rosneşone.əvon de nokə nomi əsir qətə jen iyən kinonışon bəştə tarsnokə istirohot kardə məkonon bardeşone və çəvon mol-əmvolınışon ğarət kardeşone.ısət ımi zıney lozıme ki,çın terroristə qrupon kardə qırd ım koon de dini islomi hiç qıləy rabitəş ni və dini təlimonədə ımon mevcud ni.