Ilahi Rəhbəron-66

Ilahi Rəhbəron-66

Peyğombər(s) İslomi pevolo bıey cəhətədə bə zəmonə dınyo yolon iyən məzhəbi mərkəzon noməonış vığande. min cumlə bə Hicaz iyən Yəməni marzi noxtəonədə bıə bə Nəcrani usğuf iyən yepiskofi qıləy noməş nıvışte və əvonış bə İslomi dini səmt dəvətış karde.Xıdo-Rəsuli(s) nımoyəndəon çə həzrəti noməşon bə Nəcrani yepiskopi doşone.əy peyğombəri(s) noməş de dığğəti hande və bo ğərol bekardero,çı yolə şəxsiyyətonku iborət qıləy şuraş təşkil doe.əvon bə ın nəticə omin ki,şest nəfər məşhurə şəxson bıvıjnon və bə Mədinə səmt bıvğandon ta neziku de peyğombəri(s) vindemonkon və çə həzrəti nıbuvvət və peyğombərəti dlilon barədə tədğığotkon.əvon de Xıdo-Rəsul(s) usuli iyən məntıği bəhson əvəzi,cədəl iyən bəhsonış karde və islomışon ğəbul nıkarde. bın miyono vəhyi vardə mələk nozil be və mıbohilə ayəş varde və Xıdo-Rəsulış(s) məmur karde ta deəy mıbohisə kardə iyən həxı ğəbul nıkardə kəsonku tələbkə ki,əvon həm ıştə nezə odəmon vanq bıjənon və tı həm deştə nezə odəmon vanq bıjən bıdə boon ta de ıştə daston bo dıvo iyən lovəro bə osmoni səmt rostkon və iyande nifinkon.əvon çı peyğombər(s)-I ım sıxanışon ğəbul karde və şiin ta bo mıbohilə iyən nifiniro hozzı bıbon…..

Xıdo-Rəsul(s) deştə nezə odəmon bo mıbohilə kardero bə mıəyyən bıə məkoni səmt hərəkətışon karde.ə həzrət Huseynış(ə) ıştə vanqoyədə və Həsəni(ə) dastış həm qətəbe navədə şeydəbe və həzrəte Fatmə(s) iyən Əli(ə) Xıdo-Rəsuli(s) peştono hərəkət kardedəbin.Nəcrani ğəbilə yolon çı mıbohilə bənav bə iyande voteşone ki,ehanə Muhəmməd(s) de maddi əzəmət iyən zohiri ğudrəti ome,çəy nıbuvvət iyən həxətiyədə şəkkənən.əmmo,əgər mışohidəyon karde ki,çı harcurnə cəh-cəloliku bə diyəro və sodə şikilədə ome,şək məkənən ki,əv çı Xıdo peyğombəre. məsihi uiyən xrisytiyanə alimon  hələ ıştə sıxanışon oroxnəşon nıbe,ğəflətən peyğombəri(s) nuroniyə çehrəşon mışohidıə karde ki,deştə çoqlə nezə odəmon omeydən.Nəcrani heyəti yolon çı təəccıbi dılədə mandəbin və  de çoçinəti bə iyande erəxeydəbin.əvon vindeşone ki,ə həzrət deştə iqlə azizə kinə və deştə məsumə fərzəndon və həmçinin Əli(ə) həm çəvon palu bo mıbohilə kardero omən.həmmə kəs həm zıneydəbe ki,ə həzrət bə həzrəti Əli(ə) çokonə məhəbbətış hestebe.Nəcrani heyəti yoli ıştə daston bə ğıç qətəd holədə voteşe:mı qıləy çehrəon vindedəm ki,ehanə əvon dast bo dıvo kardero bə osmon rost koon,mumkine əmə həmmə məhf bıbəmon bışəmon.vey çoke ki,əmə mıbohilə koyku dast bıkəşəmon və ım ko məkəmon.əvon bə ğərol bekardeşone və ıştə təklifonışon bə peyğombəri(s) elon kardeşone və ə həzrəti həm çəvon təklifonış ğəbul karde.

Mıbohilə daston və bın barədə nozil bıə qıləy ayə torıxi dırozi bo şiyə dınyo vey fəzilətin iyən iftixor ofəyə qıləy sənəde.zira ayə ləfz iyən mufrədat ımi bəyon kardedə ki,de peyğombəri(s) bə ico bıə kəson çı fəziləti kom dərəcədə və mərtəbədə ğərolışon qətə.bın ayədə çı peyğombər(s) kinə həzrəte Fatmə(s) fərzəndon Həsən(ə) iyən Huseyniku(ə) əlovə,Əli(ə) de “Ənfusəna” yəni de peyğombəri coni nomi təbir bıə.çımisə vey yolə fəzilət nibəbe ki,isnon mənəviyyat iyən fəzilət cəhəto bə qıləy barzə məğami bırəso ki,Yolə Xıdo əy de peyğombəri con iyən rufi nomi təbirko……

İslomi har ruj ziyod bıə nufuz,ım fırsətış icod kardeşe ki,peyğombəri(s) islomi ğudrəti şuaş hevuj karde və çı islomi tohidi inğılobış bə co kişvəron sadirış karde.peyğombər(s) de ın məğsədi ıştə Məaz ibn Cəbəl nomo səhobəonku qıləyniş bə Yəmənış vığande ta çı tohidi nido və sədo və islomi dini usulon bo çə sərzəmini milləti təbyin və izohko.Məazi bo çə vırə milləti bə islomi səmt cəzb kardeyro ziyodə cəhdonış karde,əmmo bın koyədə qıləy ovandətiş pəydu nıkarde və bə Mədinə oqarde.peşo peyğombəri(s) xalid ibn validış bo islomi təblığiro bə həmonə məntəğə vığandeşe.əv həm şəş manq bədiqə bo milləti bə islomi səmt dəvət kardey koyədə mıvəffəğ nıbe və bə Mədinə oqarde.