Ilahi Rəhbəron-69

Ilahi Rəhbəron-69

Bın həssosə ləzə və anədə ki,qırd kəsi nəzə Xıdo-Rəsul(s) səmt xıyə bıəbin,ə həzrət bə Xıdovəndi tələbi əsos,həzrət Əli(ə) dastış rost karde ta millət həmmə əy bıvindon.peşo qıləy muhimmə xutbəş hande ki,çı islomi dınyo etığodi iyən əməli barzə xətton ruşin kardedəbe.ım xutbə de Ğədiri xutbə məşhure. əmmo, çın xutbə muhimmə hiussəonku bənav,sıftədə ımi bə yod dənoey lozıme ki,Ğədir sənədi cəhəto vey metəbərə hədisonkuye.joqo ki,Əllomə Əmini(r) ıştə “Əlğədir fil kitabi vəs-sunnə və ədəb” kitobədə 110 qılə səhobə,82 qılə tabeyin və İslomi  məşhurə uləma iyən raviyonku 360 qılə nəfəri nomış vardə ki, Ğədiri hədisışon nəğl kardə.çımisə əlovə Hicri-Ğəməri sıftənə əsriku de tosə nəvminə əsri məşhurə şayiron nomış həm zikr kardə ki,əvon çın Ğədir-Xumi ğəhrəmonəti iyən mevzu həxədə dırozə ğəsidəonışon ıştəku bə yodiqor haştəşone.

Binobərin,həni hiç qıləy şəkk iyən tərdidi vırə mandəni ki,Ğədiri xutbə Xıdo-Rəsuliku(s) bo islomi umməti baği mandə həmməysə dıjd iyən həməysə səhihə sənəde.....

Xıdo-Rəsul(s) ıştə sıxani sıftədə hamyeşe:”ha millət ha! Bızınən ki,Xıdovənd Əliş(ə) şımə vəli iyən imomış ğərol doe,əvış bə ın mənsəb iyən məğami mənsubış karde və çəy itoətış bə mıhocir iyən ənsari və bə kəson ki,de çokəti bəy pemandedən və bə har qıləy biyobon iyə şəhrədə jiyə,bə əcəm iyən ərəbi,ozod və nokə şəxsi,hırd və yoli və bə sipyi iyən siyo və bə har qıləy Vohidə Xıdo pərəstış kardə kəsi vocibış kardə və bəçəy sıxan iyən əmron itoət kardeyış bə har kəsi lozım və vocib ğərolış doə”.

Xutbə dəvomi bəyoni bənav həmonə sıftədə çandə əsosinə nuktə  bın xutbə hissədə odəmi dığğəti cəlb kardedə:əvvəl ıme ki,Əli(ə) de Xıdo fərmoni və de İslomi əzizə peyğombəri(s) sınnəti bə ın məğam mənsub bıə və peyğombər(s) şəxsən bın intisob iyən vəzifə icro kardeyədə hiç curnə şəxsi ixtiyorış bıəni. dıminə nuktə ıme ki,dıqlə vəlii iyən imomi kəlmə ımi bəyon kardedə ki,Əli(ə) həm viloyəti məğami soybe və həmən imoməti məğami soyb.boçımi əsos bəçəy əmron itoət kardey və pemandey,ilahi fərizə və vocibatonkuye.oxonə nuktə ıme ki,İmom Əli(ə) rəhbərəti iyən imomət fəğət bə qıləy zəmon iyən məkoni və bə qıləy ğovm iyən milliyəti və bə qıləy ranq iyən irği məxsus ni,bəlkəm əv torıxi dırozi çı har qıləy vohidə Xıdopərəstış kardə kəsi rəhbər və yole.bə həmonə dəlili xoto,Xıdo-Rəsul(s)  Ğədir-Xumi xutbə coqlə hissədə jıqo hamyedə:”və Əli bəpeştə  imoməti məğam çəy avlodon ki,çəy nəsliku bıə çımı fərzəndonkuye dəvom pəydu bəkarde və de tosə ğıyoməti ruji bərğərol bəbe.qıləy ruj ki,Xıdo iyən çəy rəsuli mıloğat və vindemon bəkardeyn”.....

Peşo Xıdo-Rəsul(s) bo həmmə kəsi dimi harcurnə mıxolifəti roy bastey xoto,de təhdidamizə iborəti hamyeşe:”Xıdo rəhmətiku bə diyəro bıbu,Xıdo ğəzəb boəkəsi bıbu ki,çımı sıxanon ğəbul nıko və de Əli(ə) imoməti rozi nıbu”.əmmo Xıdo-Rəsul(s) de Əli(ə) dustəti iyən deşmınəti kardey məsələ sərost iyən mıstəğimə formədə de Xıdovəndi mığəddəsə zoti irtibot və rabitə bıet nışon doeyro,hamyeşe:”aqah bıbənən həyğətən,Cəbrəyili(ə) bəmı xəbəş doe ki,barzə məğami soyb bıə Xıdo hamyəşe:hakəs Əli(ə) deşımon bızıno və çəy viloyəti ğəbul nıko,çımə lənət iyən ğəzəb bəy bıbu”.nəyinki,de İmom Əli(ə) imomət iyən viloyəti deşmınəti iyən mıxolifət nıkardey rişə vəhyədəy,bəlkəm deəy dustəti kardey həm bə osmoniyə vəhyi əsose və Xıdo-Rəsul(s) Ğədiri xutbə coqlə hissədə de bə ın əmri təkid kardey, hamyeşe:”çəy rəhbrəti iyən imomət Əzzə və Cəllə Xıdovəndi tərəfiku bəmı vəhy bıə”.