Ilahi Rəhbəron-72

Ilahi Rəhbəron-72

Xıdo-Rəsul(s) ıştə xutbə dəvomədə bə dıqlə barzə xısləton yəni bə elm iyən təğva xısusiyyəton işorəş karde.ə xısləton ki,bəpe çı camiyə hidoyət iyən rəhbərəti ko bəştə ehdə peqətə çokə şəxsi vucudədə mevcud bıbu.peyğombəri(s) hamyeşe:”ha məxloğ ha! Har qıləy elm ki,heste Xıdovəndi əvış çımı vucudədə cəmış kardə və mı çəy bəmı omutə qrıd elmon bə Əli(ə) iyən bəçəy təğvaninə fərzəndon omutəme və  əve Mubinə İmom ki,Xıdovəndi Yasini mıborəkə surədə əvış bə yod dənoə və hamyedə:”əmə har qıləy çi mubinə imomədə aşmardəmone”. ...

Ğədiri xutbə bın hissədə dığğət kardəninə coqlə nuktə ıme ki,imoməti elm iktisabi və kəsb kardənin ni,bəlkəm qıləy elme ki,əv ilahi elmiku nəşət seydə və ğərəz peyğombəron iyən şiyə imomon cokəson çəvonku məhrumin ki,Xıdovənd həm de “kullu şəyin......” təbiri bəy işorə kardedə.çımisə əlovə xəto iyən qınonku əmonədə mandey iyən pokəti qıləy ilahi və elmu-lədunnəti ğabiliyyət və ləyoğəti tələb kardedə ki,Xıdo-Rəsul(s) bə ən məno işorə kardedə və hamyedə:”Xıdovəndi bəmı omutə qırd elmonım bə Əli(ə) iyən bəçəy təğvaninə fərzəndonım omutə”....

Peyğombər(s) Ğədiri xutbədə çı həzrəte Əli(ə) həxədə bəhs kardə xıslətonku qıləyni həm,Xıdo iyən çəy peyğombəri(s) həzrət Əliku(ə)roziyətiye.joqo ki,Xədp-Rəsul(s) hamyedə:”Ğıronədə har qıləy ayə ki, Xıdovəndi roziyəti həxədə nozil be əvon fəğət Əli(ə) şə`ni barədə nozil bıə”.min cumlə İslomi-Peyğombəri(s) bə həzrət Əli(ə) coqlə xısusiyyəton işorə kardedə.joqo ki,hamyedə:”Ğıroni har qıləy vırədə ki,muminonku sıxan bə miyon omeydə,əyo həmməysə bənav Əli(ə) sima və çehrə dəvəşeydə”.de ım oşkoə sıxani bə ico,peyğombər(s) bə cokəson dimi harcurnə səhvə nəzəon vəy qəteyro və imoməti məğami fəğət çəy nəsəb və şəcərədə bə əməl omey nışon doeyro,ıştə ım torıxi xutbə coqlə hissədə hamyedə:”ha millət ha! Çımı dini bə vırə rosnə kəs iyən çımı həxı mıdofiyə kardə kəse.əv qıləy təğvanin, pok və hidoyət bıə rəhbəre.çəy peyğombər həmməysə çokə peyğombər və əv(Əli) həmməysə çokə ovsiya və çımı canişine və çı har qıləy pəyğombəri nəsl iyən zurriyyə çəy ıştən sulbikuye,əmmo çımı nəsl Əli(ə) sulbikuye”.

Peşo Xıdo-Rəsul(s) bo Əli(ə) fəğət bəy məxsus bıə barzə fəziləton nışon doeyro ıştə Ğədiri xutbə dəvomədə hamyedə:”ha məxloğ ha!beşək Əli(ə) fəziləton və Xıdovəndi  Ğıronədə bəy məxsus kardə çiyon,vey ziyode ki, əvoni həmmə iqlə məclisədə bəyon kardey mumkin ni.çən,hakəs ki,şıməku bə cokəson Əli(ə) fəziləton həxədə xəbə bıdo və əy oşnoko,əy təsdığkənən”.

Bın həssos və torıxi ləzədə vəhyi mələk ijən nozil be və ın ayəş vardışe:”ımruj əkəson ki,kufr kardedən şımə diniku məyus bin.çən,çəvonku mətarsənən və çımıku(bəmı nıpemandeyku) bıtarsənən.ımruj şımə dinımon bo şımə komil kardeme və ıştə nemətım bəşmə təmom kardeme və İslomım boşımə din ğərolım doe, pəsəndım karde və çəyku rozim.(mayidə 3-ə ayəku i hissə).

In ayə ıştə çandə qılə nuktə ehtivo kardedə:əvvəl ıme ki,Xıdovənde-Aləm hamyedəki,ımruj kofiron şımə diniku məyus mandin və dıminə nuktə ıme ki,Xıdovənd hamyedə:islomi dinım boşıməm vıjniye iyən pəsəndım karde”...

İslomi alimon iyən muhəğğiğonku veyni bə Ğədiri vağiyə ın muhimmə nuktəon dığğət kardə holədə jıqo hisob kardedən ki,ehanə Ğədirədə bə İlahi fərmoni əsos,Əli(ə) bo peyğombəron inğılobi dəvom doey iyən İslom iyən Ğıroni muhafizədə bə peyğombəri(s) canişinəti məğamsi mənsub bıə nıəbe,İslomi din noğis əmandi bəştə oxonə kəmoli nıərəsi.əmmo,de İlahi tale həlləkə fərmoni sadir bıey,Xıdovəndi ıştə nemətış  nəyinki,bə İslomi camiyə  bəlkəm,bə qırd bəşəri camiyə təmomış karde..