Ilahi Rəhbəron-77

Ilahi Rəhbəron-77

Fədək qıləy obod iyən munbitə sərzəmin be ki,çəy de Mədinə bıə fosilə təğribən 140 kilometre.Fədək Ərəbıstonədə sakin bıə yəhudiyon mərkəzonku qıləyni be.çın məntəğə yəhudiyon Xeybəri canqi bəpeştə ğəbulışon karde ki,əvon bəpe kaştemoni sahəon məhsulon nimə ha sor çı peyğombəri(s) ixtiyorədə ğərol bıdon və əvon həm bənə mısılmınon çı İslomi hukuməti himoyə jiyədə jimon bəkardeyn və bəpe bə mısılmınon zidd hiç qıləy hərəkət nıkon.Vağiyə mıborəkə surə bədiqə İsra mıborəkə surə 26-ə şərifə ayə nozil be ki,jıqo hamyedə:”ıştə nezə odəmon,miskinon iyən Xıdo royədə mandə kəson həxon pərdaxtkə, bıdə.peyğombər(s) həm ıştə kinə həzrəte Fatməş(s) vanqış karde ta Fədəki bəy bıbaxşo.əmmo,de əbu bəkri xilofəti bə dast sıey,Fədək çı Əli(ə) jimoni həmro və Xıdo-Rəsuli(s) kinə dastiku sıey be.....

Əhlı-Sınnəti fəğih iyən torıxəvon bıə İbn Əbil-Hədid Fədək iyən çəy ğəsbi barədə jıqo nıvışteydə:mı bə İmomiyyə məzhəbi alimonku qıləyni çı Fədəki barədə jıqo voteme:Fədəki qədə di jəqo həm hevuj nıbe və jıqo qıləy qədə sərzəminədə ki,çandə qılə xımoə doon mevcud be fəğət və ımon jəqo həm muhim nıbe ki,həzrəte Fatmə(s) mıxolifon bəy qıləy tamahışon bıbu”.

 Əv cəvobədə bəmı jıqo cəvobış doe:tı bın mətləbədə səhf kardedəş.Fədəkədə bıə xımo doon mığdor çı Kufə ısətnə xımo doonku həm bəkam nıbe.təbiiyi formədə peyğombəri(s) xanedani çın munbitə sərzəminku ğədəğən kardey boçəy xotoye ki,məbodə,nobənıbu Əli(ə) çəvrə dəroməd və bəromə bo de xilofəti aparati mıborizə bardero istifodəko.liza nəyinki,Fatmə(s) çı Fədəkiku məhrum kardeşone,bəlkəm qırd Bəni-Haşim və Əbdul-Mutəllibi fərzəndon çəvon məşruyi iyən ğanuni həxonku(ğəniməton xumsiku) həm benəsib kardeşone.ə fərdon ki,bəpe dayima ıştə jimoni təmini dumo bışon və çı ehtiyoci dılədə bıbon və hiçvaxti de mevcud bıə vəzyəti mıborizə bardey fiki ıştə mazqədə vırə nıdo.....

Umər donzə sor hukuməti bədiqə,Hicri-Ğəməri vistı seminə sori deştə mıxolfion iqləyni dasti terror be və çand ruj bədiqə marde.umər ıştə maqi bənav noxəşəti yonquyədə bəştə bədiqə canişin təyin kardey fik dəşe və votedəbe ki,ehanə Məaz ibn Cəbəl,əbu ubəydə cərrah və Salim Muvəlli Huzeyfə bəyji bıəbin, xilofəti bəvon aspardim.əmmo,çun ım fərdon çı dınyoku şıəbin,umər boştə bədiqə xəlifə təyin kardero,qıləy nuyə şivəku bəhsış karde.əv çı peyğombəri(s) səhobəonku şəş nəfərış boştə bədiqə xəlifə təyin kardey xoto vıjniyeşe ta əvon de iyande se ruj məşvərətkon və çı mısılmınon xəlifə bıvıjnon....

Çın hodisə bənav iyən Xıdo-Rəsuli(s) bədiqə çə həzrəti əshobonku i dastə bə peyğombər(s)-i vəsiyyəti və bə Ğədir-Xumədə bıə hodisə dığğət nıkardə holədə əbu bəkrışon xəlifə səçın kardeşone.əmmo,əbu bəkr ıştə umri oxoyədə ımış əvəz karde və bın koyədə çı milləti rayon nəzədə nıqətə holədə umərış ıştə canişinış təyin kardeşe.umər ibn xəttab dıqlə sabiğ metod iyən şivəş bə kəno noe və coqlə qıləy metodış vıjniye və etırofış karde ki,çı əbu bəkri vıjnemon de mısılmınon nəzə bə ico bıəni və çımi bədiqə bəpe deəvon  məşvərət kardey bıbu.əve 6 nəfəriku iborət qıləy Şuraş təşkil doe ta əvon ıştə miyono ikəsi xəlifə səçınkon.çın şura uzvon çımiku iborət bin:Əli ibn Əbi Tolıb(ə),osman ibn əffan,Zubeyr ibn Əvvam,təlhə ibn ubeydullah,əbi vəğğasi zoə sə`d və əbdurrəhman ibn ovf.....