Ilahi Rəhbəron-78

Ilahi Rəhbəron-78

Umər donzə sor hukuməti bədiqə,Hicri-Ğəməri vistı seminə sori deştə mıxolfion iqləyni dasti terror be və çand ruj bədiqə marde.umər ıştə maqi bənav noxəşəti yonquyədə bəştə bədiqə canişin təyin kardey fik dəşe və votedəbe ki,ehanə Məaz ibn Cəbəl,əbu ubəydə cərrah və Salim Muvəlli Huzeyfə bəyji bıəbin, xilofəti bəvon aspardim. əmmo,çun ım fərdon çı dınyoku şıəbin,umər boştə bədiqə xəlifə təyin kardero,qıləy nuyə şivəku bəhsış karde.əv çı peyğombəri(s) səhobəonku şəş nəfərış boştə bədiqə xəlifə təyin kardey xoto vıjniyeşe ta əvon de iyande se ruj məşvərətkon və çı mısılmınon xəlifə bıvıjnon....

Çın hodisə bənav iyən Xıdo-Rəsuli(s) bədiqə çə həzrəti əshobonku i dastə bə peyğombər(s)-i vəsiyyəti və bə Ğədir-Xumədə bıə hodisə dığğət nıkardə holədə əbu bəkrışon xəlifə səçın kardeşone.əmmo,əbu bəkr ıştə umri oxoyədə ımış əvəz karde və bın koyədə çı milləti rayon nəzədə nıqətə holədə umərış ıştə canişinış təyin kardeşe.umər ibn xəttab dıqlə sabiğ metod iyən şivəş bə kəno noe və coqlə qıləy metodış vıjniye və etırofış karde ki,çı əbu bəkri vıjnemon de mısılmınon nəzə bə ico bıəni və çımi bədiqə bəpe deəvon  məşvərət kardey bıbu.əve 6 nəfəriku iborət qıləy Şuraş təşkil doe ta əvon ıştə miyono ikəsi xəlifə səçınkon.çın şura uzvon çımiku iborət bin:Əli ibn Əbi Tolıb(ə),osman ibn əffan,Zubeyr ibn Əvvam,təlhə ibn ubeydullah,əbi vəğğasi zoə sə`d və əbdurrəhman ibn ovf.....

De uməri ım ğəroli xəlifə,de şurə fərdon əksəriyyəti vıjniyə bıənin be,əmmo çoko əy piyəşbe.ehanə 2 qılə 3 nəfərə qrup qıləy şəxsi barədə tafutinə nəzəşon bıbu,çə qrupi nəzə ğəbul bəbe ki,əbdurrəhmon əyoe və əvış ğəbul kardə.uməri həmçinin votəşbe ki,əgər şın şura uzvonku qıləyni de əksəriyyəti rayi mıxolifətko,çəy qıy bəpe jıey bıbu və şura miyono dıdastəti iyən dıtirəti bə əməl booy və ehanə əbdurrəhmoni mığobilədə mandə dastə çəy nəzə ğəbul nıkon,həmonə 3 qılə mıxolifə şəxson kıştey bıbon və əgər şurə uzvon 3 ruji ərzədə qıləy fərdi xəlifə səçın kardey nızınon,bəpe çəvon həmmə gi iyən qərdən jıey bıey bıbu.boçımi xoto,Ənsariku penco nəfər hozzı mandəbin ta bə uməri ım vəsiyyəti əməlko və əvon bə ın şura koon nəzorət kardedəbin.......

Bəzi fərdon bın bovədə bin ki,çı uməri təyin kardın çın şura tərkib jıqo be ki,nəhoyətən de osmani vıjniye bə oxo rəse.zira,bə İmom Əli(ə) çı naviku doə xəbə əsos,sə`d  deştə amyuəzo əbdurrəhmoni mıxolifət nibəkarde və əbdurrəhmon çı osmani hovə şuyə be,əve bəy ray ədəy.bın surətədə ehanə təlhə və zubeyr həm de Əli(ə) mıvofiğ bıəbin,hiç qıləy foydəş nıəbi.boçi ki,əbdurrəhmon çı osmani tərəfdor bıə dastədə be.həyğətən həm jıqo be.sə`d hejo çı sıftəku bə əbdurrəhmoni nəf və xeyri bə kəno mande.Zubeyr həm bə Əli(ə) tərəf mande və ıştə nomizədətiku bə kəno mande.əbdurrəhmoni elonış karde ki,mı xilofət dumo nim və əy tələb kardedənim.təlhə ki,çı əbu bəkri amuyəzo və de ƏLİ(ə) mıxolif be,bə osmani tərəf və xeyri bə kəno mande.binobərin fəğət Əli(ə) iyən osman bo xilofəti nomizəd mandin.liza,çı əbdurrəhmoni ray və nəzə ziyodə əhəmiyyət kəsb kardedəbe.əbdurrəhmon ibn ovf sıftədə Əliku(ə) tələbış karde ta bəştə ehdə peqəto ki,bə Ğıron,bə peyğombəri(s) siyrə və bə navnə dıqlə xəlifə yəni bə əbu bəkr iyən uməri şivə əməl bəkardeyş.Əli(ə) həm cəvobədə voteşe:”az çəu umum heste ki,ıştə elmi məhdudədə ıştə ğudrət iyən iştihodi ğədərədə bə Ğıron iyən peyğombəri(s) sınnəti  əməl bəkardem.peşo əbdurrəhman ıştə ım şərtış bə osmani həm voteşe və əv bilofosilə çəy ım təklifış ğəbul karde.bə həmonə cəhəti xoto,ibn ovfi de osmani beyətış karde.