Təkfiri cərəyanon
Təkfiri cərəyanon
Təkfiri cərəyanon
Ğərbi devlət iyən informasiyə vositəon qıləy holədə jıqo hevujə surətədə bə İslomi dini həmlə kardedən və ım dini bənə qıləy hozi iyən ağliku bə diyəro qıləy din nışon doydən ki,əmmo əslədə dınyoədə çı terroristə hodisəon ğıboni bıə kəson hejo mısılmınon ıştənin.mısılmınon əksəriyyət təşkil oə kişvəronədə hevujə surətədə bıə terroristə hərəkəton mığdor,de ğərbi kişvəronədə bıə terroristə hərəkəton mığdori mığoyisədə i iyən mısovi ni. Bənə DAİŞ iyən cəbhətun-nusrə bıə təkfiri iyən terroristə dastəon iminə hədəf mısılmınonin ki,əvon İslomi ədolət və sulh tələb kardə iyən vohidə Xıdo pərəstış kardedən və bə İslomi təlimonku bə diyəro bıə və əy kəcfamə çın terroritə qrupon mıxolifin iyən əvoni ğəbul kardedənin.
Bənə DAİŞ iyən cəbhətun-nusrə bıə təkfiri iyən terroristə dastəon mısılmonə kişvəronədə həmməysə dıjdə cinoyəton və anti-bəşəri hərəkətonışon bə vırə rosnə.Bənə DAİŞ iyən cəbhətun-nusrə bıə təkfiri iyən terroristə qrupon İslomi imic iyən çehrə təxrib kardeyku əlovə,əvon coqlə dıjdə hədəfon həm təğib kardedən və əv həm çı islomi kişvəronədə mısıılmınon iyən mıxtəlifə məzhəbon miyono təfrığə və dıtirəti eğandon.qıləy hədəf ki,de sultə tələbə Amerkə devləti iyən deçəy Avropədə bıə mıttəfiğon siysoəton həmray iyən həmfike.
Əvon çı DAİŞ-i barədə sıxan votə zəmonədə ya bəyoniyyə doydən və bə “İslomi Devləti” kəlmə təkid kardedən və ım kəlmə oko doydən ta bə dınyo milləton ilğakon ki,DAİŞ həmonə İslom və çəy siyosi iyən hukuməti nımoyəndəy.ım həyğətədə çı İslomofobiyə siyosəti iqlə baxşe ki,de ğərbi devlət iyən mediyaon vositə təğib kardey beydə....
Təkfiri iyən terrositə dastəon uzvonku i hissə və çəvon sədə DAİŞ terroristə qrupi mıxtəlifə kişvəronədə yavə və cinoyətkoronə qıləy torıxışon heste və bəçəvon avanturistə hərəkəton və odəmon kıştey rəğbəti xoto,əvon bə ın dastə səmt dinışon qətə.çəvon i hissə həm bə maliyyə və de nikohi cihodi nomi bıə bəştə həvəsbozəti xoto,bə ın qrupi tərəf cəm kardey bıən.əmmo çı təkfiri cərəyonon penə səviyyədə bıə yolə odəmon həm çə fərdonku təşkil bıən ki,de dınyo iyən məntəğə yol və zumandə kişvəron casusi iyən əmniyyəti təşkiloton nezə rabitəşon heste və umumən de ın kişvəron siyiosət və mənfəəton paralel hərəkət kardedən.çəvon tədbir iyən strateqiyə ğərbi ğudrəton iyən çəvon reqiyonədə bıə kali mıttəfiğon siyosi,hərbi iyən əmniyəti muadiləon çərçivədəy.DAİŞ-i komandiron çandə nəfər bə Bəəs iyən Səddomi rejimi məhf bıə bəfodorə kəson bin ki,umumən çəvon de din iyən məzhəbi hiç qıləy rabitəş nıbe.çın qrupon funksiyə bənə kıştey,ğətlı-am,molon ğarət kardey və sayirə de İslomi təlimon hiç qıləy rabitəş nıbe.çın cur mahiyyətinə dastəon norohətçəti dini məsələ ni.harçənd əvon zohirədə jıqo iddio kardedən və çı kali dini şuaronku oko doydən.çəvon dini şuaron vey vaxti sodəlovhə cıvonon bə dast dənoey və əvoni bəştə terroristə təşkiloton cəzb kardey xotoye.əvon mohiyyət cəhəto qıləy hozi,berəhm iyən terroristə dastən ki,de çəvon ıştən dasti pesoxtə dini nusxəonku bəhrə bardey,ıştə məxsusə siyosi iyən hərbi hədəfon dumon.har qıləy holədə çın dastə bə əməl vardə çi,dınyo milləton palu ğərəz İslomi pokə çehrə və imici xərob kardey coqlə çi ni......
Bə təkfiri mınhərifə qrupon çı İslomi təlimonku bıə səhfə nəzəon əks,dini İslom qıləy səhl iyən hostonə dine.Xıdovəndi bo bəşəri hidoyətiro vığandə oxonə peyğombər həzrət Muhəmmədi(s) hamyəşe ki,çəy vardə din hoston iyən de qızəşti bə icoye.ım bın mənoədəy ki,Xıdovənde-Aləm bo milləti şəryəti ğanunon noeyədə hostonətiş qətə və hukmonış jıqo noəşe ki,həni çəy banəon bə qıləy muşkiloton dıço nıbon.liza İslomi təlimon saxt,odəmi sıst kardə və tov nıvardənin ni.çın mətləbi barədə Xıdovənde-Xalığ Həcci mıborəkə surə 78-ə şərifə ayədə hamyedə:”ma cəələ ələykum fiddini min hərəc” yəni şımə dinədə boşımə qıləy məşğəət(və saxti)ğərol doəmon ni.əmmo,qıləy din ki,vəhhabi iyən təkfiri qrupon nışon doydən,saxtŞhozi iyən ğeyri-mehribone.
