İlahi əsma

İlahi əsma

Lətifi kəlmə min cumlə İlahi nomonku qıləyniye ki,Kərimə-Ğıronədə zikr bıə.Lətifi nomi çandə qılə mənoonış heste.ərəbi ədəbiyyotədə bə zəmon votey beydə ki,”lətifə şey” yəni əv çi həm hırde və həm zərife.qıləy zəmon ki,ım ism çı cismon barədə oko doey beydə,sanqinəti mığobildə qıləy səpge və qıləy zəmon ki,hərəkoti barədə oko doey beydə,qıləy qədə iyən rədəvardə hərəkəti mənoədəy.və qahi vaxti Lətifi nom bo bənə rufi bıə ğeyri-mevcudə çiyon həxədə istifodə bıə. əmmo, Xıdovənde-Mutəali həxədə ım ism çı təsəvvıri fovğədə bıə zərfiyyətiku hikoyət kardedə.joqo ki,əy de hiç qıləy çi vəsf kardey nibəbe...

İmom Rıza(ə) Xıdovəndi sıfəton həxədə qıləy dırozə hidoyəti şərhədə hamyedə:”əmmo,Lətif bıey kami,zərfiyyət və hırdənəti mənoədə ni.bəlkəm,qıləy əşyo dılədə çəy huzuri mənoədəy və ısət məhale və ğeyri-mumkine ki,bəçəy idroki bırəso.çoko ki,votedə “çın mətləbi lətofət,çımı dərkiku bəpeye” və ya “fılonkəs ıştə rəftor iyən sıxanədə lətife”,xəbə doydə ki,çə ko fameyədə ıştı ağl dəmandə  və çəy mətləb anədə nığıle ki,insoni ağl əy dərk kardeyədə mandə.Xıdovənde-Aləmi Lətif bıey jıləvoniye bın nəzəkuye ki, hiç qıləy insoni hədd və əndozə dərk kardey ğədərədə ni və Əv DE HİÇ QILƏY VƏSFİ MƏHDUD NİBƏBE”. Ənami mıborəkə surə 103-ə şərifə ayədə jıqo omə:”la tudrik.....çəşon əy dərk kardey zıneydənin, əmmo Əv çəşon dərk kardeydə və Əv bəçəş nıçiyə və Dəğiğ ,Nozık və aqahe”....

Lətifi ism lutfi kəlməku peqətə bıə vəö çun lutf bə mıdora və rəfoğəti əsose,liza voteydə,Xıdovənd Lətife. Əv deştə bandəon mıdora kardedə və çəvon bə oxonə xəy iyən kəmoli rəseyro  bıə qırd mığəddiməon hozzı kardedə.

Xıdovənd Lətife və bəştə məxloğati nisbətədə vey mehribon,dıləsute və çəvon həmməş piyedə. Bo insoni zehni bə ım mətləbi nez bıeyro həmməysə çokə misol,inə və moə misole.ikəs dınyoədə bəsə inəsə həm vey mehribonə şəxs zıneydəni.fərzəndi ıştə inə ləvədə bə qıləy şikil və formə dəşə zəmoniku,bo həmonə moə doj və norohətçətiyon bino beydə və de hırdəni təvəlludi ım renc və əzob-əziyyətion rujbəruj ziyod beydə.ehanə fərzənd doj hisko,çəy moə həm doj hiss kardedə və əgər rohət və xoş bıbu,inə həm norohət bəbe.və bandəon məxsusən çı inəon  ım mehribonəti və rufi pokəti Xıdovəndi tərəfiku çəvon dılədə noey bıə.bəle,Xıdovənd Lətife və bəsə inəonsə həm bəştə bandəon nisbətədə vey lətif və mehribone.çəy lətif və mehribonəti nışonəonku ıme ki,bo insoni çəy hərəbaxtəti həmmə rəmzon iyən çəy bə lozım bıə kəmoli rəsyero,,dini hukmon və ğanunon ğolibədə qıləy dinış nozil kardə ta inson de bəvon əməl kardey ki,həmonə sıratəl mıstəğime və insoni bə məğsədi rosneydə,həni mınhərif nıbu. Xıdovəndi lutf çı hərəbaxtəti roy bo mumini həmo kardedə və ıştə rəhmət iyən məğfırəti bəon bəştə peşmon iyən tobəkorə  bandəon deçəvon ziyodə qınoon bə ico,oj kardedə.qıləy hədisədə omə ki,havaxti qıləy merd şəvi toykiyədə  ıştə şatur,azuğə və əhlo-əyoli biyobonədə qim kardedə və peşo bo ımoni pəydu kardero bıə cəhdon zəmonədə  bə ikkərə əvoni pəydu kardedə,çanədə xoşhol və şo beydə? Çən, Xıdovənd həm çın şəxsisə həm vey bəştə tobə kardə iyən bəçəy səmt oqardə bandəon nisbətədə çoko şo və xoşhole.Xıdovənde-Mutəal qıləy Lətife ki,bəştə bandəon xəy doydə və ıştə bandəon usloh iyən xilos pəydu kardey zəminə hozzı kardedə.əmmo,jamə bandə ım ziyodə mehribonəti dərk kardey zıneydən.Kərimə-Ğıron Mulki mıborəkə surə 14-ə şərifə ayədə hamyedə:”Əla....aya ikəs ki,(həmmə mevcudatonış) ofəyə,zıneydəni?və holın ki,Əv Lətif iyən Aqahe”....