Bə ğərbi Asiyə hodisəon qıləy nəzə

Bə ğərbi Asiyə hodisəon qıləy nəzə

Səudiyyə Ərəbıstoni xarici koon vəzir Feysəl ibn Fərhan dəvardə haftə bə Dəməşğ səfəş karde və de Suriyə prezdent Bəşar Əsədi vindemon iyən votemonış karde.Səudiyyə Ərəbıstoni xarici koon vəzir Feysəl ibn Fərhan “Ğəsruş-Şəəb” ya Milləti sarayədə de Suriyə prezdent Bəşar Əsədi vindemonış karde və çı dı tərəfinə rabitəon iyən reqiyonal məsələon həxədə mızokirəşon barde.bə Səudiyyə Ərəbıstoni xarici koon vəziri votey əsos çın kişfəri podşo Bəşar Əsədış bə Səudiyyə Ərəbıstoni səfə kardeyro dəvətış karde.

Suriyə devləti xəbə aqentəti nıvıştəşe:Səudiyyə Ərəbıstoni xarici koon vəziri çı Hərəmeyni Şərifeyni xadim kral Səlmon ibn Əbdul-Əziz Ali Səud və şahzodə iyən iminə vəzir Muhəmməd bin Səlmon ibn Əbdul-Əziz Ali Səudi səlomi iyən çəvon bo Suriyə millətiro bıə əmniyyət,sabitəti iyən ziyodə inkişofi oruzuş bə çın kişfəri prezdenti ibloğış karde,rosneşe.ım 2011-ə sori bın kişfərədə bino bıə canqi bədiqə iminə kərəbe ki,çı Səudiyyə Ərəbıstoni dilpomatiyə aparati rəyisi bə Suriyəş səfə kardəbe.ım səfə çı Suriyə xarici koon vəzir Feysəl Mığdodi 1 haftə bənav bə Ərriyodi səfə bədiqə əncom doey be ki,əyo de Səudiyyə barzə məğaminə fərdon vindemonış karde.

Suriyə xarici koon vəzir Feysəl Mığdodi bə Ciddə şəhəri səfə bədiqə Səudiyyə Ərəbıstoni çı 9 qılə kişfəriku yəni Farsi Xəlici Həmkoəti Şurə 6 qılə kişfər iyən Misr,İrağ və İrodaniyəku təşkilış pəydu kardə Ərəbi Liqə kişfəron iclosi dəvordınə kişfər be ta çı Suriyə Respublikə ki,2102-ə soriku ixrac bıə bə Ərəbə Liqə ehtimoliyə oqardemoni həxədə mızokirə bıkon.

Səudiyyə Ərəbıstoni çı Suriyə nizomi mığobilədə mandə əsliyə deşmınon iyən kali terroristə qrupon himoyə əkə məmləkət be.bə bo Dəməşği nizomi peqordıneyro çəvon proqramon darşiye xoto,oxonə soronədə Ərəbsıtonış vodor karde ki, ta ıştə nanə siyosətiku dast bıkəşo və de məntəğə kişfəron ziddiyyəti bəkam kardey səmt hərəkətış karde......

Fələstınııjon bə Ərəbıstoni bıə səfə,çı ğərbi Asiyə hodisəon coqlə muhimmə qıləyni be.Anatoli xəbə aqentəti bə aqahə mənbə nəğli əsos,məlumotış doə ki,ın heyəton bə Fələstıni xaricədə bıə Həmasi rəyis Xalid Məşəli və çın hərəkoti siyosi ofoso uzvon iyən rəhbəronku bıə Xəlil Əlhiyyə və Mosə Əbu Mərzuği şomil beydə.

De İsmoyl Həniyyə rəhbərəti Həmasi hərəkoti barzə məğaminə heyət 2015ə soriku bo iminə kərə be ki, bə Səudiyyə Ərəbıstoni səfəş kardəbe.Həmasi heyəti bə Səudiyyə Ərəbıstoni bıə səfə zəmoni cəhəto qıləy vey muhimmə səfəbe.məxsusən ki,ın səfə qıləy mərhələdə əncom doey be ki,bə Həmasi de reqiyoni kişfəron miyono rabitəon ğət bıey boyis bıə behronon həll bıə.