Nəhcul-Bəlağə pand iyən hikməton-7

Nəhcul-Bəlağə pand iyən hikməton

İcəbu...insoni xıslətonku təəccıbədə bıbən ki,de i poə piy(çəşi) vindedə və de (tikə)qujdi(zıvoni) sıxan votedə və de itikə astə(quşi)vəsilə məseydə və qıləy poə bıə vırəku(vıniku) nəfəs kəşeydə.

Qahi zəmon qıləy sodə mətləbi bəyon kardey,insoni bə mərıfət iyən dərki qıləy dərəcə rosneydə ki,həxı mıəyyən kardey boəy hoston beydə.Nəhcul-Bəlağə hikmət çın nev mətləbonkuye.İmom Əli(ə) həştminə hikmətədə çəmə dığğəti zohirədə bə qıləy sodə iyən addiyə nuktəon səmt cəlb kardedə.qıləy nuktəon ki, çəvon har qıləyni dılədə çı elm iyən maarifonku qıləy dıyo noey bıə.həzrət bın hikmətədə jıqo hamyedə: ”icəbu....insoni xıslətonku təəccıbədə bıbən ki,de i poə piy(çəşi) vindedə və de (tikə)qujdi(zıvoni) sıxan votedə və de itikə astə(quşi)vəsilə məseydə və qıləy poə bıə vırəku(vıniku) nəfəs kəşeydə....

İmom Əli(ə) hamyedə:”bəştə nəzəkə.lıski fik-famkə ki,çokonə de itikə piy həmmə çiyon vindedə.çəş qıləy şəffofə piye ki,həmməysə vey dəğiğə video kamerəon hiçvaxti bəçəy ğudrət iyən mırəkkəbəti rəsey zıneydəni.ım tikə piy bə qıləy filmi ehtiyoc nıbə holədə çəy dılədə qahi zəmon hafto ya həşto sor ıştə kamerə kəşey koy çok-çoki bə vırə rosneydə və odəmi dığğəti cəlb kardə çi ıme ki, çəy qırd filmon 3D-diye.çəş nur və ruşnə ziyod bıə vıronədə bıbu,ıştəni cəm kardedə ta kamə nur ğəbulko və çımi mığobilədə nur kam bıə vıronədə vey hevuj beydə ta veyə nur ğəbulko.çı çəşi colqə əcibə çiyonku qıləyni həm ıme ki,dayima de arsi pur bıə vey hırdə honiyon vəsilə və de çəşəloğon hərəkəti nam iyən nəmin oqətey beydə ki,ehanə ım jıqo nıbu çəş hışk bəbe və ıştə funksiyə çı dasto bədoe…..

Bəştə nəzəkə! lıski fik-famkə ki,çokonə de i hissə qujdi sıxan votedəş.dığğətkə ki,ım hissə qujd de kom surəti mıxtəlifə hərfon məxrəci ədo kardedə.iqlə kəlmə ədo zəmonədə zıvon bəpe de surəti çı çandə qılə hərfon məxrəcisə bıqardo və lozım bıə məxrəci məsələn bo “z” hərfi bıvıjno və bilofosilə çı “nuni” hərfi məxrəcisə ğərol bıəqəto ta çı zıvoni vajə və kəlmə tələffuz bıbu.ısət fikkə ki,iqlə məğalə handə zəmonədə ya qıləy sıxanroni və leksiyə zəmonədə ım zıvon de kom surəti və ğudrəti çı qəvi dılədə ıştə vırə əvəz kardedə ki,ehanə ıştə surətiku cınqıri bəkamko,zıvonış pepəpuşiye və mumkine ziyodə səhfon bə əməl boy.