Suriyə silahinə ğıvvon qıləy əməliyati əncom doeədə Lazeğiyə şimal şərğ hissədə bəzi məntəğonışon terroriston dasiku ozodışon karde.
Suriyə kırdon ım məmləkəti şimal hissədə canqi vəy qəteyu Amerkə və Tırkiyə sazışiku rozi mandin.
Tırkiyə xarici koon vəzir çı məmləkəti ğıvvon bə Suriyə ərazi 30 kilometri nufuz karde niyyətiku xəbəş do.
Suriyə xarici koon vəziri muavin Suriyə şimal hissədə Tırkiyə mumkin bıə əməliyati həxədə votışe:Suriyə millət ıştə məmləkəti əraziku mudafiyə bəkan və Tırkiyə həm ıştəni bə ım məhləkə daxil nıkə.
Suriyə xarici koon vəziri şanbə ruji elanış ka Amerkə və Tırkiyə hərbion huzur Suriyə əraziədə ğeyre ğanoniy və tələbış karde ım ğıvvon təciliyə sorətədə çı məmləkəti əraziku xaric bıbon.
Amerkə,Suriyə şimal hissədə demokratiya ğıvvon nomo kırdə hərbionku ıştə himoyə dəvomədə bəvonru 200 qılə kamazədə silahış vığandə.
Suriyə bomiyəı mənbəon,Amerkə hərbi və silah təchizatonku 200 qılə kamazi rəseku bə Suriyə şimal şərğ kırdə hərbiyə mubarizə əkanro ki Suriyə demokratikə ğıvvon nomo yod bedə xəbəşon doə.
Suriyə silahinə ğıvvon zinə muvəfəğ bedən Suriyə ğərb Həmah ostani şimal ğərb Səhraya,Əlxəlifat və Əlsirtilı barzə vıron terroriston dastiku ozod bıkən.
Yəmənı Ənsarulla sionist rejimi bə Suriyə hucumış ki bə ğeyre hərbion kışte bois bə məhkomış karde.
Terroriston şanbə şəvi Suriyə ğərb Həmah ostani şimal hissədə bə "Ğəmhanə" və "Şizər" mikrorəyonon rəketinə hucumışon bardə.