Əlcəzirə TV kanali elanış kardə İndoneziyaədə intihariyə tıpımoni ziyanvindəkəson bə 10 nəfər rəsən.
Əfğanistoni Kabuli şiəyon məçidədə terroristi əməliyoti nəticədə çand sa nəfər şəhid iyən zəxmin bıən.
İraği iminnə vəzir Bəğdadi Sədr məntəğə terroristi həmlə amilon dastqir beyku xəbəş do.
İroni islamiyə şura rəis qıləy mesajədə İraği məmləkətdə terroristiyə hərəkət bə Bəğdaddə çandə nəfəri kışte və yarəjə kardeş məhkum karde.
Əmniyəti mənbəon nəğliku bəyon bıə ki İ Bıə Ərəbə Əmirətionku qıləy heyət bə israil səfərış karde ta Fələstin işal bıə ərazi iyən suriyə cənub məntəğəon miyono bıə sərhəddon nezi terroriston vırə doey barədə muzakirə kon.
Mediyaiyə mənbəon Suriyə Hələb şəhri şimaliyə baxşədə qıləy maşini dılədə noə bə bomba tıpeku xəbəşon doə.
Yəmənı şimal hissədə Səudiyə təcavuzkarə koalisiya hucumon nəticədə mandə bə kaset bomba tıpe nəticədə qıləy hırdən kıştə və co kəs həm yarəjə bedə.
Imruj təğvimədə Tir manqi 7 iyən İyonə manqi 28 ğeyd bıə, 38 sor bənav bənə lmruj qıləy terroristiyə tıpemon Tehronədə bıə İslami Cumhuriyət partiyə vırədə əncom be.
İroni xarıci vəzarətxonə sıxənəvot Pakistoni Kuveytə şəhri qıləy məçidonədə terroristiyə həmləş məhkumış karde və de ım hadisə ailəon ıştə həmdardi nışoş do.
İraği Samera şəhrədə bomba tıpe bə 8 nəfəri kışte və 5 nəfəri yarəjə be bois bedə.