Доривор ўсимликлар соҳасида технологик ҳамкорликни ривожлантириш учун исломий давлатлар салоҳиятидан фойдаланиш
Эрон Президенти ҳузуридаги Илмий ва технологик ишлар бўйича вице-президентликнинг Доривор ўсимликлар ва анъанавий тиббиёт илм-фани ва технологияларини ривожлантириш штаби ҳамда Ислом дунёси нанотехнологиялар тармоғи ўртасида илмий-технологик ҳамкорликни ривожлантириш, илмий-тадқиқот марказлари ва билимга асосланган компаниялар ўртасида тармоқлараро алоқаларни йўлга қўйиш, шунингдек, Эрон тиббиёти салоҳияти ҳамда мамлакатнинг ўсимлик ва табиий маҳсулотларининг халқаро майдондаги иштирокини кенгай
«Парс Тудей» хабар беришича, Эрон Президенти ҳузуридаги Илмий ва технологик ишлар бўйича вице-президентликнинг Доривор ўсимликлар ва анъанавий тиббиёт илм-фани ва технологияларини ривожлантириш штаби ҳамда Ислом дунёси нанотехнологиялар тармоғи (INN) мазкур меморандумни имзолаш орқали доривор ўсимликлар, Эрон тиббиёти ҳамда анъанавий, ўсимлик ва табиий маҳсулотлар соҳаларида илмий, тадқиқот ва технологик ҳамкорликни ривожлантириш учун исломий давлатларнинг умумий салоҳиятидан фойдаланишга урғу берди.
Ҳамкорлик халқаро майдондаги таъсирчан иштирокчилар тармоғини шакллантириш ва мустаҳкамлаш, мутахассислар ҳамда билимга асосланган компаниялар салоҳиятини аниқлаш ва ундан фойдаланиш, илмий-тадқиқот марказлари ўртасидаги алоқаларни осонлаштириш, шунингдек, қўшма лойиҳа ва тадқиқотларни амалга ошириш учун зарур шароит яратиш мақсадида йўлга қўйилмоқда.
Таълимий ва илмий контент ишлаб чиқариш ҳамда ўзаро алмашиш, шунингдек, Ислом дунёсидаги илмий тармоқларга аъзо мамлакатларнинг ихтисослашган салоҳиятидан фойдаланиш ҳам мазкур ҳамкорликнинг асосий йўналишларидан ҳисобланади.
Меморандумнинг муҳим йўналишларидан бири Ислом ҳамкорлик ташкилотининг Илмий ва технологик ҳамкорлик қўмитаси (COMSTECH) салоҳиятидан фойдаланишдир. Исломий давлатлар ўртасида илмий-технологик ҳамкорликни ривожлантириш, технологиялар трансфери, университетлар ва илмий-тадқиқот марказлари ўртасидаги алоқаларни мустаҳкамлаш ҳамда қўшма дастурларни амалга оширишга кўмаклашишга ихтисослашган ушбу тузилма доривор ўсимликлар ва Эрон тиббиёти соҳасида халқаро ҳамкорликни кенгайтириш платформаси сифатида хизмат қилиши мумкин.
Мазкур ҳамкорлик доирасида Ислом дунёси нанотехнологиялар тармоғи ички салоҳиятни халқаро илмий ва технологик тармоқлар билан боғлашга кўмаклашишда ҳам иштирок этади.
Бу салоҳият исломий давлатлардаги илмий ва технологик ҳамкорларни аниқлаш, билимга асосланган компаниялар ҳамда илмий-тадқиқот марказлари ўртасида ҳамкорлик йўналишларини шакллантириш, қўшма лойиҳаларни ишлаб чиқиш ва Эрон маҳсулотлари ҳамда технологияларининг халқаро майдонда иштирокини осонлаштиришга хизмат қилиши мумкин.
