Трамп маъмурияти даврида минглаб муҳожирлар учинчи давлатларга чиқариб юборилди
Франциядаги нодавлат ташкилот тадқиқотига кўра, Дональд Трампнинг иккинчи маъмурияти 35 та ривожланаётган давлат билан махфий келишувлар асосида 25 мингдан ортиқ муҳожирни АҚШдан чиқариб юборган ва бунинг учун 410 миллион доллар маблағ ажратган.
«Парс Тудей» ИРНАга таяниб хабар беришича, Трамп 2025 йил январь ойида (1403 йил баҳман) Оқ уйга қайтганидан сўнг Вашингтон қонуний равишда ўз мамлакатларига қайтариш имкони бўлмаган муҳожирларни қабул қилиш бўйича ривожланаётган давлатлар билан келишувлар тузмоқда.
Францияда жойлашган «Forbidden Stories» нодавлат ташкилоти душанба куни эълон қилган тадқиқотга кўра, АҚШ 35 та давлат билан тузилган махфий келишувлар асосида 25 мингдан ортиқ муҳожирни мамлакатдан чиқариб юборган ва уларни келишувга қўшилган учинчи давлатларга юборган. Айтилишича, ушбу муҳожирларнинг келишувга қўшилган давлатлар билан ҳеч қандай алоқаси йўқ.
Франция ташкилоти тўплаган маълумотларга кўра, 31 август ҳолатига (9 шаҳривар) камида 25 минг 447 нафар киши АҚШдан учинчи давлатларга чиқариб юборилган.
Франс Пресс агентлиги (AFP) жорий йил бошида Вашингтон африка давлатларига нисбатан виза беришга қўйилган тақиқ ва чекловлардан уларни депортация қилинганларни қабул қилишга мажбурлаш мақсадида фойдаланаётгани ҳақида хабар берган эди.
