Эрон Францияда содир этилган террорчилик ҳаракатларини қоралади

июл 15, 2016 18:03 Asia/Tashkent

Эрон ташқи ишлар вазирлиги матбуот котиби Франциянинг Ниццадаги террорчилик ҳаракатларини кескин қоралади. Эрон ташқи ишлар вазирлиги матбуот идорасининг хабар қилишича, мазкур вазирликнинг матбуот котиби Баҳром Қосемий жума кунги чиқишида Франциянинг Ниццада содир этилган террорчилик амалиётларидан афсусланиш билдириб ушбу жиноят қурбонларининг яқинларига ҳамдардлик билдирди ҳамда шундай айтдики, Теҳрон терроризмни халқаро ҳамкорликсиз ва бирлашмасдан йўқ қилиб бўлмаслигини кўп маротаба таъкидлаган. Эрон ислом жумҳурияти ташқи ишлар вазирлиги матбуот котибига кўра, терроризмга қарши чора кўришда икки ёқлама ёндашиш ва бепарволик қилиш нохуш ва кўнгилсиз оқибатларга олиб келади. Франциянинг Ниццада содир этилган террорчилик ҳаракатларида 84 нафар инсон ҳаётдан кўз юмди ва юздан ортиқ инсон оғир тан жароҳат олишди. Ўтган 18 ой мобайнида Францияда бир неча маротаба террорчилик ҳаракатлари содир этилган бўлса, ушбу амалиётнинг масъулиятини ИШИД террорчилик гуруҳи ўз зиммасига олган.