Эроннинг Форс вилоятида 5,1 балли ер қимирлади
Эрон сейсмология муассасаси Эрон жанубидаги Форс вилоятининг Хунж шаҳрида 5,1 балли ер қимирлагани ҳақида хабар берди
Эрон сейсмология муассасаси Эрон жанубидаги Форс вилоятининг Хунж шаҳрида 5,1 балли ер қимирлагани ҳақида хабар берди. Форс вилоят ҳокимлигининг бўҳронни бошқариш бош мудири Ҳасан Фаёзпур жума куни Форс вилоятининг Хунж туманидаги ер қимирлаш натижасида ҳаётдан кўз юмганлар бўйича статистика маълумотларини эълон қилди. Унга кўра, ушбу зилзилада 4 нафар Афғонистон фуқароси ҳаётдан кўз юмган. Шунингдек, Ҳасан Фаёзпурнинг қўшимча қилишича, ушбу ер қимирлаш оқибатида яна 4 киши жароҳат олган. Форс вилоят ҳокимлигининг бўҳронни бошқариш бош мудирининг қўшимча қилишича, қутқарувчи жамоалар зилзила содир бўлган жойда ёрдам кўрсатиш ишларини олиб боришмоқда.
