Теҳрон жума намози хутбалари

Америка қўшма штатлари президентининг Қудс бўйича қабул қилган қарори ва ушбу шаҳарни Сионистик режимнинг пойтахти дея эълон қилиши Американинг йўқ бўлишига сабаб бўлади.

Теҳрон жума намози имом хатибига кўра, Америка қўшма штатлари президентининг Қудс бўйича қабул қилган қарори ва ушбу шаҳарни Сионистик режимнинг пойтахти дея эълон қилиши Американинг йўқ бўлишига сабаб бўлади.

Теҳрон жума намози имом хатиби Оятуллоҳ Муҳаммад Али Муваҳҳедий Кермоний АҚШ президенти Доналд Трампнинг Байтул Мақдисни Сионистик режимнинг пойтахти сифатида тан олишга қаратилган чораларига ишора қилиб шундай айтдики, Трамп айни пайтда жар ёқасига келди ва таназзул сари бормоқда. Унинг ҳаракатлари Қудсга қарши бўлиб, ушбу ҳатти-ҳаркатларидан сўнг ҳатто унинг иттифоқчилари ҳам Трампни кескин танқид қилишди ва Бирлашган миллатлар ташкилотининг эътирозларига сабаб бўлди. 

Шунингдек, Теҳрон жума намози имом хатиби Американинг олдинги расмийлари томонидан Ўрта Шарқда нотинчлик келтириб чиқариш учун 7 триллион доллар маблағ сарфлаганларига ишора қилиб шундай маълум қилдики, АҚШ ушбу йирик миқдордаги маблағларни сарф этишдан кўзланган мақсади Исломга, инсониятга, Эрон ислом жумҳуриятига ва жаҳон эрксеварларига қарши зарба бериш эди. Лекин, охир-оқибат Американинг ўзи мағлубиятга учради. 

Оятуллоҳ Муваҳҳедий Кермоний Саудия арабистонининг Ямандаги жиноятларини танқид қилиб яманликларнинг фожеали шароитларига алоҳида тўхталиб шундай айтдики, Саудия арабистони мусулмонликни даво қилиб, Яманда одамларни қонга белаяпти. Ол Сауд режими ушбу юртда қон тўкиш ва одамларни ўлдиришга қаратган ҳаракатларини тўхтатиши керак.