Шамхоний: Трампнинг Эронга қарши санкцияларни қайтадан жорий этиш ҳақидаги иддаолари беҳудадир

Теҳрон Вашингтоннинг ушбу чораларни қўллашига йўл қўймайди ва Трампнинг нутқи ҳеч қандай таъсирга эга эмас 

Эрон миллий хавфсизлик олий кенгашининг котиби АҚШ президенти Доналд Трампнинг Эронга қарши санкцияларнинг яна қайтадан жорий этилиши ҳақидаги баёнотига муносабат билдириб шундай айтдики, Теҳрон Вашингтоннинг ушбу чораларни қўллашига йўл қўймайди ва Трампнинг нутқи ҳеч қандай таъсирга эга эмас. 

Америка қўшма штатлари президенти жорий йилнинг 12 январ куни Эроннинг ядровий санкцияларини вақтинчалик тўхтатиб қўйган эди. Аммо, бази бир шартларни жумладан Эрон ва олтилик давлатлари томонидан қабул қилинган ядровий келишувдаги айрим бандларни ўзгартириш ҳамда Эроннинг ҳарбий базаларини текшириш ва ракета синовларига қарши санкцияларни киритишни ҳамда АҚШнинг ушбу ядровий келишувдаги назоратни қўлга олишини эълон қилган эди.

Унга кўра, агар АҚШ конгресси ва Европа иттифоқи мазкур шартларни амалга оширмаса, АҚШ давлати кейинги муддатда санкцияларни кейинга қолдириш ҳақидаги ҳужжатни имзоламасдан, ядровий битимдан чиқиб кетади.

Шунингдек, Европа иттифоқининг ташқи сиёсати бўйича масъули Федерико Могерини ва Эрон билан эришилган ядровий келишувдаги бошқа томонлар, Эрон ядровий фаолияти бўйича қабул қилинган "Қўшма ҳаракатлар комплекс дастури"нинг халқаро ҳамжамиятга тегишли эканлигини кўп маротаба таъкидлашди ва шундай қайд этишдики, ядровий келишув икки томонлама тузилмаган ва ушбу битимда ўзгартиришлар киритилиши мумкин эмас.