Руҳоний: АҚШ, Франция ва Англиянинг Сурияга қарши ҳужуми тажовуз эди

Эрон ислом жумҳурияти президенти Америка, Франция ва Англиянинг химиявий қурол ишлатилганлигини баҳона қилиб Сурияга қарата амалга оширган ҳужумини тажовузкорлик ҳаракати ва ушбу мамлакатда мағлуб бўлган террорчиларнинг руҳиятини кўтариш доирасида содир этилди деб атади. 

Ҳасан Руҳоний якшанба куни Россия федерацияси президенти Владимир Путин билан тефон орқали ўтказган мулоқаотида шундай айтдики, агар тажовузкорлик ҳаракатлари ва халқаро қонун-қоидаларнинг ҳеч қандай қаршиликсиз ошкора поймол этилиши ва ушбу тажовузкорлик ҳаракатларини амалга оширганлар томонидан ҳар  қандай зарарларни ўрнини тўлдирмаслигига имконият берилса, бунинг ортидан халқаро ва минтақадаги тартиб-интизомларнинг издан чиқишида янги беқарорликларга гувоҳ бўлишимиз мумкин. 

Эрон президентига кўра, АҚШнинг ушбу тажовузкорлик ҳаракатлари шуни кўрсатмоқдаки, Америка терорчилар билан бевосита алоқа ўрнатган бўлиб, Шарқий Ғута сингари муҳим минтақаларда террорчиларнинг мағлуб бўлишини сезиб қолишганида шунда кескин чораларни қўллашга ўтишади. 

Россия ва Эрон президенти Владимир Путин ҳамда Ҳасан Руҳоний телефон орқали ўзаро мулоқотда АҚШ, Британия ва Франциянинг Сурияга ракета зарбаларини муҳокама қилди. Улар бу ноқонуний ҳаракатлар Суриядаги вазиятга сиёсий ечим топишга жиддий зарар келтириши мумкин деган хулосага келди.

Владимир Путин, хусусан, агар БМТ Низомини бузувчи бундай ҳаракатлар давом этаверса, у ҳолда бу халқаро муносабатлардаги тартибсизликка олиб келиши мумкинлиги ҳақида огоҳлантирди.

Бундан ташқари, Эрон ва Россия президенти телефон мулоқотида Яқин Шарқ минтақасидаги вазиятни, шу жумладан, Ямандаги ҳолатни муҳокама қилди. Шунингдек, улар кўп қиррали Россия-Эрон ҳамкорлигини янада ривожлантиришдан манфаатдор эканликларини билдиришди.