Эрон миллий хавфсизлик олий кенгаши котиби ва Ҳиндистон миллий хавфсизлик маслаҳатчиси учрашди

Эрон миллий хавфсизлик олий кенгаши котиби ва Ҳиндистон миллий хавфсизлик маслаҳатчиси минтақавий ва халқаро ҳамда икки томонлама ҳамкорликларни янада кенгайтириш учун икки юртнинг жиддий иродасини таъкидлашди

Эрон миллий хавфсизлик олий кенгаши котиби ва Ҳиндистон миллий хавфсизлик маслаҳатчиси минтақавий ва халқаро ҳамда икки томонлама ҳамкорликларни янада кенгайтириш учун икки юртнинг жиддий иродасини таъкидлашди. Ирна ахборот агентлиги тарқатган хабарга биноан, Эрон миллий хавфсизлик олий кенгаши котиби Али Шамхоний бугун шанба куни Янги Деҳлида Ҳиндистон миллий хавфсизлик маслаҳатчиси Эжит Дивал билан учрашганида минтақадаги экстремизм ва терроризм хатарларига ишора қилиб шундай айтдики, терроризмга ва терроризмга хомийлик қиладиган давлатларга қарши курашиш халқаро ҳамжамиятнинг тинчлик ва барқарорликни сақлаб қолишдаги муҳим вазифаларидан ҳисобланади. Эрон миллий хавфсизлик олий кенгаши котиби Теҳроннинг Афғонистонда тинчлик ва хавфсизликни ўрнатиш учун Янги Деҳли билан кенг қамровли ҳамкорликларни амалга оширишга тайёр эканлигини таъкидлаб шундай қўшимча қилиб ўтдики, янги шаклдаги мудофаа ҳамкорликлари бўйича қўшма комиссияни қайта тиклаш ва икки давлатнинг мудофаа ҳамда ҳарбий соҳасидаги муносабатларини кенгайтириш учун яхши ва қулай имкониятлар мавжуддир. Шунингдек, Ҳиндистон миллий хавфсизлик маслаҳатчиси ҳам ушбу учрашувда Ҳиндистон бош вазирининг Эронга қилиниши кўзда тутилган сафари бўйича келишувни ўрганиб чиқиш аҳамиятига ишора қилиб икки томоннинг стратегик алоқаларига тўхталиб ўтди.