Эрон вице-президентининг Тожикистон Президенти билан учрашуви
Эрон Ислом Республикаси Президентининг биринчи ўринбосари ва Тожикистон Президенти маданий ва тамаддуний ҳамкорликни кенгайтириш, форсийзабон мамлакатлар ва ҳудудлар иттифоқини ташкил этиш, форс тили ва адабиёти бўйича қўшма олий қўмита тузиш ҳамда Тожикистонда аждодлар алифбосини қайта тиклаш зарурлигини таъкидладилар.
ParsToday хабар беришича, ИРНА ахборот агентлигига таяниб, Эрон Ислом Республикаси Президентининг биринчи ўринбосари Муҳаммадризо Ориф Тожикистон Президенти Имомали Раҳмон билан учрашувда бу мамлакат ҳукумати ва халқининг Рамазон уруши давомида Эронга нисбатан ҳамжиҳатликка асосланган позицияси учун миннатдорлик билдириб, икки мамлакат ўртасидаги муносабатларни ривожлантириш учун тарихий, маданий ва тилга оид муштаракликлардан фойдаланиш зарурлигини таъкидлади.
Ориф Эрон ва Тожикистон ўртасидаги чуқур тамаддуний алоқаларга ишора қилиб, шундай деди: «Форс ва аждодлар тили, адабиёти, маданияти ва тамаддуни бўйича қўшма олий қўмитанинг ташкил этилиши икки мамлакатнинг муштарак меросини сақлаш ва муҳофаза қилишга ёрдам бериши мумкин».
Учрашувда Ориф ва Раҳмон форсийзабон мамлакатлар ва ҳудудлар иттифоқини ташкил этиш, Наврўзни нишонлаш марказларини ташкил қилиш, ориёий тамаддун марказини йўлга қўйиш ҳамда Тожикистонда аждодлар алифбосини қайта тиклаш зарурлигини таъкидладилар.
Ориф икки мамлакат ўртасидаги иқтисодий ҳамкорликнинг ривожланаётганига ишора қилиб, шундай деди: «Эронга қарши мажбурий уруш каби барча тўсиқларга қарамай, сўнгги ойларда ўзаро савдо ҳажми ўтган йилнинг шу даврига нисбатан 50 фоизга ошганига гувоҳ бўлдик».
У қўшимча қилди: «Бундай ўсишга қарамай, Эрон ва Тожикистон ўртасидаги ҳамкорлик салоҳияти ҳозирги даражадан анча юқори, деб ҳисоблаймиз. Иқтисодий ва савдо алоқаларини ривожлантириш учун мавжуд имкониятлардан фойдаланишимиз керак».
Форсийзабон мамлакатлар ва ҳудудлар иттифоқини ташкил этиш, форс тили, маданияти ва адабиёти бўйича олий қўмита тузиш, Наврўзни нишонлаш марказларини йўлга қўйиш, ориёий тамаддун марказини ташкил этиш ҳамда Тожикистонда аждодлар алифбосини қайта тиклаш учрашувда таъкидланган асосий масалалардан бўлди.
