Баҳром Қосемий: Эроннинг ракета фаолиятлари ҳеч қайси бир мамлакатга қарши эмас

Эроннинг ракета фаолиятлари мамлакат суверенитетини ҳамда яхлитлигини мудофа қилиш ва миллий манфаатларни таъминлаш учун превентив сиёсатларнинг бир қисми ҳисобланади

Эрон ташқи ишлар вазирлигининг матбуот котиби Франция ташқи ишлар вазирининг Эронга қарши билдирган иддаоларига муносабат билдириб шундай таъкидладики, Эроннинг ракета фаолиятлари мамлакат суверенитетини ҳамда яхлитлигини мудофа қилиш ва миллий манфаатларни таъминлаш учун превентив сиёсатларнинг бир қисми ҳисобланади. 

Франция ташқи ишлар вазири жума куни ушбу мамлакатнинг РТЛ радиоси билан қилган суҳбатида Теҳронга қарши айрим иддаоли лойиҳаларни қайд этиб ўтди ва шундай айтдики, Эроннинг ракета аслаҳалари фақат ўзининг мудофааси учун эмас. 

Баҳром Қосемий жума куни Исна ахборот агентлиги билан ўтказган суҳбатида шундай таъкидладики, Эроннинг ракета фаолиятлари ҳеч қайси бир мамлакатга қарши қаратилган эмас.

Теҳрон ўзининг сўнги йиллардаги тажрибаларини эътиборга олиб хусусан Ироқ Баъс режимининг Эронга қарши саккиз йиллик жангларидан кейин, душманларнинг шум ниятларининг шаклланишига қаршилик кўрсатиш учун ўзининг мудофаа қудратини мустаҳкамлашга туртки берди. 

Баҳром Қосемий Эронни терроризмнинг энг катта қурбонларидан бири деб атади ва шундай қўшимча қилиб ўтдики, Эрон ислом жумҳурияти ўзининг принципиал сиёсатларидан бирини терроризмга қарши курашга қаратган ва ушбу сиёсатнинг натижаси ҳозиргача минтақа ва жаҳонда ижобий таъсирини ўтказиб келган.