Руҳоний: АҚШнинг ядровий келишувдан чиқиши ноқонуий ҳисобланади

Американинг халқаро келишувдан бир томонлама чиқиб кетишини халқаро қонун-қоидаларга зид ва ноқонуний деб атади ҳамда ядровий келишувни сақлаб қолиш учун, бир ёқлама кескин чоралар кўраётган сиёсатларга қарши курашиш лозим

Эрон президенти сешанба куни Нью-Йоркда Франция президенти Эммануэл Макрон билан учрашганида Американинг халқаро келишувдан бир томонлама чиқиб кетишини халқаро қонун-қоидаларга зид ва ноқонуний деб атади ҳамда ядровий келишувни сақлаб қолиш учун, бир ёқлама кескин чоралар кўраётган сиёсатларга қарши курашиш учун жаҳон ҳамжамиятининг диққат эътиборини жалб этди. 

Шунингдек, Эрон ислом жумҳурияти президенти Ҳасан Руҳоний терроризмни дунё ҳамжамияти учун катта хатар деб атади ва икки мамлакат ўртасидаги алоқалар янада кенгайтириш ва минтақада ҳамда жаҳонда терроризмга қарши барча томонлама курашиш учун икки юртнинг ҳамкорликларини муҳим деб атади. 

Франция президенти Эммануэл Макрон ҳам ушбу учрашувда, Эрон жануб ғарбидаги Аҳвоз шаҳрида содир этилган террорчилик ҳужумида бир қанча инсонларнинг шаҳид бўлиши муносабати билан ҳамдардлик билдириб, Франциянинг ядровий келишувни сақлаб қолиш учун бор куч имкониятини ишга солиб саъй-ҳаракат қилишини таъкидлади. 

Франция президенти минтақада терроризмга қарши курашишда таъсирга эга бўлган Эрон билан музокара ва ҳамкорлик қилишни муҳим аҳамият касб этади деб қайд этди.