Россия Эрон билан алоқаларини янада кенгайтиради

Теҳрон-Москва алоқаларини янада кенгайтириш Эрон ва Россия халқларининг манфаатларини кўзлайди. Россия Эрон билан ҳамкорлик кўламини кенгайтиришда қатъий ёндашади

Россия ташқи ишлар вазирлиги матбуот котибининг таъкидлашича, Теҳрон-Москва алоқаларини янада кенгайтириш Эрон ва Россия халқларининг манфаатларини кўзлайди. Россия Эрон билан ҳамкорлик кўламини кенгайтиришда қатъий ёндашади. 

Мария Захарова душанба куни Ирна ахборот агентлиги билан қилган суҳбатида АҚШнинг Эронга қарши бир томонлама санкцияларини халқаро меъёр ва қонунларни ошкора бузиш деб атади.

Унга кўра, Россиянинг АҚШ томонидан бошқа мамлакатларга қарши жорий этаётган санкцияларига нисбатан тутган позицияси, санкцияларни бекор қилиш тарафдори бўлиб, Американинг шу каби кескин ва ноқонуний чораларини қоралайди. 

Россия ташқи ишлар вазирлиги матбуот котибининг таъкидлашича, Москва Бирлашган миллатлар ташкилоти хавфсизлик кенгаши томонидан қабул қилинган қарор ва резолюцияларни тан олади. Бошқа ҳолатларда эса, ўзаро манфаатли ҳамкорликларни эътиборга олиб иш юритади. 

Мария Захаровага кўра, АҚШнинг Эрон ядровий келишувидан чиқиб кетиши, ушбу халқаро келишувда иштирок этган томонларнинг кўп йиллик саъй-ҳаракатларини оёқ ости қилиш ҳисобланади. 

АҚШ президенти Доналд Трамп 2018 йилнинг 8-май кунида Вашингтоннинг Эрон ядровий келишувидан бир томонлама чиқиб кетишини ва Эронга қарши ядровий санкцияларнинг қайта тикланишини эълон қилган эди.