Эрон Олмаота шаҳрида юз берган террорчилик ҳаракатларини кескин қоралади
Эрон Олмаота шаҳрида юз берган террорчилик ҳаракатларини кескин қоралади
Эрон Қозоғистоннинг Олмаота шаҳрида юз берган террорчилик ҳаракатларини кескин қоралади. Ирна ахборот агентлиги тарқатган хабарга кўра, Эрон ташқи ишлар вазирлиги матбуот котиби Баҳром Қосемий ўз чиқишида Қозоғистоннинг Олмаота шаҳрида содир этилган террорчилик амалиётини қоралади. У ўз суҳбати давомида қўшни мамлакатларда рўй бераётган террорчилик ҳаркатларидан хавотирланиш билдириб, ушбу террорчилик балосига қарши бирлгалик кураш олиб борилишини таъкидлади. Сўнгги маълумотларга кўра, отишмада 7 киши нобуд бўлган. Ҳозирча, ҳуқуқ посбонлари икки кишининг шахсини аниқлашнинг уддасидан чиқишмаган. Отишма чоғида 3 полициячи ва бир нафар тинч аҳоли вакили қурбон бўлгани хабар қилинган эди. Аввал хабар берилганидек, бир гуруҳ номаълум жиноятчилар, Алмали туман полиция бўлими ва Миллий хавфсизлик қўмитасининг маҳаллий департаменти биноларига ҳужум уюштирган. Отишма бугун маҳаллий вақт билан соат 11 ва 11:30 атрофида Олмаота шаҳри марказидаги Алмалинск тумани ҳудудидаги ИИВ биноси яқинида юз берган.
